Першы трэнер: Вячаслаў Сямёнавіч Арушанаў

Выхаванец футбольнай школы: СДЮШАР «Дынама» г. Брэст

Выступаў за моладзевую зборную Беларусі U-21 (7 гульняў, 1 гол).

За нацыянальную зборную Беларусі дэбютаваў 16 жніўня 2000 года ў таварыскім матчы супраць зборнай Латвіі ў Рызе. Выйшаў у перапынку матчу на замену, а праз 5 хвілін забіў свой першы мяч за зборную, які аказаўся адзіным у гэтай сустрэчы. Усяго за першую каманду краіны згуляў 24 матчы, забіў 10 галоў.

10 разоў уключаўся ў спіс «22 лепшых футбалістаў чэмпіянату» (у 1998, 1999, 2004, 2009, 2015 гг. прадстаўляў «Дынама-Брэст», у 2000 – мазырскую «Славію», у 2005, 2006, 2007 – «Гомель», у 2013 – «Мінск»).

У 2000 і 2007 гадах станавіўся лепшым бамбардзірам чэмпіянату Беларусі.

10 мая 2015 года правёў свой 500-ы матч на найвышэйшым узроўні і стаў 9-м членам «Клуба Сяргея Алейнікава» (7-ы тур чэмпіянату, «Дынама-Брэст» – «Дынама-Мінск»).

Абсалютны рэкардсмен вышэйшай лігі чэмпіянатаў Беларусі па забітых галах (215 галоў, дадзеныя на 1.01.2016).

2000 – уладальнік Кубка Беларусі, розыгрыш 1999/2000 гг. («Славія», Мазыр)

2000 – чэмпіён Беларусі («Славія», Мазыр)

2001 – чэмпіён Расіі («Спартак», Масква)

2002 – бронзавы прызёр чэмпіянату Расіі («Спартак», Масква)

2007 – сярэбраны прызёр чэмпіянату Беларусі («Гомель»)

2012 – чэмпіён Беларусі (БАТЭ, Барысаў)

2013 – уладальнік Кубка Беларусі, розыгрыш 2012/13 гг. («Мінск»)

• 06.07.2016

  Першыя страты

  Сёння па ўзаемнай згодзе скасаваны кантракт з Раманам Васілюком