Ігар КАВАЛЕВІЧ: другі збор правядзем у Гродна Вярнуцца да спісу
— Падвядзіце кароткія вынікі першага трэніровачнага збору, што з запланаванага ўдалося ажыццявіць, а што не?
— На базе «Нёман-72» нам былі створаны добрыя ўмовы. Тую працу, якую мы запланавалі зрабіць, мы зрабілі. Плюс разбавілі гэтую працу турнірам у Жодзіна. За тры дні нам удалося паглядзець як выглядае каманда на фоне дастаткова сур'ёзных фізічных нагрузак і паглядзець навічкоў ў справе. У прынцыпе, усё што мы планавалі, усё атрымалася. Па арганізацыі збору пытанняў ніякіх няма.
— Ці задаволеныя вы якасцю прыехаўшых на першы прагляд гульцоў?
— Розныя людзі прыязджалі. Зыходзячы з трох згуляных намі гульняў я задаволены тымі гульцамі, якія цяпер трэніруецца з камандай. Уласна, таму яны ў нас і засталіся. Мы гатовыя заключыць кантракты з хлопцамі з Кіраваградскай «Зоркі». Прынамсі, будзем з імі па гэтай нагоды размаўляць. Гэта паўабаронца Руслан Зубкоў і добры нападнік Раман Лакціёнаў, які забіў два мячы на турніры. Таксама пакуль прыемнае ўражанне пакідае яшчэ адзін украінец Мікіта Канавалаў.
— Як па вашаму выглядае гродзенская моладзь: гульцы вярнуліся з арэнды, экс прадстаўнікі дубля?
— Я думаю, што ўсё ж такі ранавата яшчэ будзе гуляць у асноўным складзе шматлікім дзецям – Забеліну, Квенцару, Аляксею Носко. Добрае ўражанне пакідае Ягор Хвалько. Яму ў пару мы шукаем другога цэнтральнага абаронцы. Нядрэнна выглядае Ян Сенкевіч, але ён ужо ў нас быў у мінулым сезоне. Што тычыцца Цеслюкевіча, то з ім мы пакуль вызначаемся.
— Дзе плануецца правесці другі трэніровачны збор?
— Другі збор мы таксама правядзем ў Гродна.
— Ці плануюцца змены ў складзе, які будзе працаваць на другім зборы?
— Як я ўжо казаў, мы чакаем цэнтральнага абаронцу. Тыя хлопцы, на каго мы будзем разлічваць у меншай ступені, мы будзем аддаваць у арэнду. Сякія-такія змены вядома будуць. Вось зараз мы запрасілі на пазіцыю левага абаронцы гульца зборнай Камеруна Жана-Патрыка Абуну. Зараз ён праходзіць перыяд адаптацыі. Нам трэба з ім трохі больш папрацаваць, каб правільна ацаніць яго патэнцыял.
— Якія яшчэ пазіцыі патрабуюць узмацнення?
— Калі глядзець на каманду другога круга мінулага чэмпіянату, то ў міжсезонні нас пакінула адразу шэсць чалавек з таго асноўнага складу: тры абаронцы – Пазняк, Паўлавец і Касмыниін, а таксама тры паўабаронцы – Рудзік, Ражок і Васькоў. Гэта вельмі сур'ёзная страта і нам трэба якасна гэтых хлопцаў замяніць. Сітуацыя магла быць і горш. Рады, што застаўся ў камандзе Паша Савіцкі і Сяргей Курганскі. У брамніка было дастаткова сур'ёзная прапанову з Брэста, але ён паступіў вельмі патрыятачна ў адносінах да горада і каманды.
— Якія гульні трэба будзе правесці «Нёману» у бліжэйшы час? Асабліва заўзятараў цікавіць праграма хатніх матчаў, калі такая прадугледжана.
— Ужо заўтра правядзем матч з «Гомелем» у Бабруйску, а ў Гродна, калі нічога не зменіцца, бліжэйшая сустрэча прызначана на 18 лютага. Тут, у манежы, правядзем матч супраць мінскага «Луча». 22 лютага ў Гродна прымем «Ліду», а 25 лютага літоўскі клуб «Шылас».
