Раман ЛАКЦІЁНАЎ: думаю, што на днях усё вырашыцца Вярнуцца да спісу
— Раскажы, як прыняла вас каманда і як табе гродзенскія трэніроўкі?
— Хлопцы сустрэлі нас прыязна, па-футбольнаму. У гэтым плане ніякіх пытанняў не ўзнікае. Трэніроўкі праходзяць на высокім узроўні. У каманды была нялёгкая бегавая праца, на якую я ўжо патрапіў, а зараз пераходзім на працу з мячом. Вельмі дарэчы даводзіцца ўвядзенне ў строй новага манежа. Трэба адзначыць, што манеж пабудавалі добры.
— Якасць газона задавальняе?
— Ідэальнае якасць, прэтэнзій нуль. Трохі нязвыкла на такім полі працаваць, але класна, мяч ідзе роўна, не дробніць.
— Не ведаю, ці вядома табе, што тваёй гульнёй і гульнёй Зубкова ў кантрольных матчах трэнерскі штаб застаўся задаволены і гатовы весці з вамі перамовы аб заключэнні кантракту. Не бянтэжыць цябе тое, што ў мінулым сезоне наша каманда змагалася за выжыванне?
— Калі б мяне нешта бянтэжыла, то мяне б тут не было. Я ж не проста так сюды прыехаў на прагляд, тым больш, што я легіянер. Раз прыехаў –значыць, чагосьці хачу. У мяне была ўжо размова з галоўным трэнерам клуба, цяпер засталося правесці перамовы з кіраўніцтвам клуба. Думаю, што на днях усё вырашыцца. Больш нічога сказаць не магу. А тое, што было ў мінулым сезоне, хай там і застаецца. Зараз у клубе новы трэнер, як я зразумеў, таму змены будуць адназначна. Такі вам прыклад: у адзін з сезонаў, калі я перайшоў гуляць у «Зорку», каманда ішла пасля першага круга на 14-ым месцы. Прыйшоў новы трэнер, паставіў гульню, і каманда скончыла сезон на чацвёртым месцы. На наступны ж год мы сталі чэмпіёнамі Першай лігі і выйшлі ў Прэм'ер-Лігу. Склад узмацняўся кропкава, аднак галоўнае змяненне было ў працы трэнерскага склада. Гэта я да таго, што ў вас падобная сітуацыя – новы трэнер, які будуе новую каманду. У яго ёсць свой погляд на гульню, свае падыходы, а мы паспрабуем выканаць усе яго патрабаванні і дапамагчы камандзе дасягнуць значна лепшага выніку.
