Падрыхтоўка да сезона пачалася Вярнуцца да спісу
Учора наша каманда пачала паўнавартасную падрыхтоўку да чэмпіянату. Першы арганізацыйна-уцягваючы збор, які пройдзе ў Гродна, працягнецца да 11 лютага. На гэты перыяд запланаваны 4 кантрольных гульні, тры з якіх пройдуць у рамках турніру «Белазавец-2017». Ужо ў бліжэйшую суботу «Нёман» згуляе ў сталіцы з «Мінскам», а ў турніры, які пройдзе ў Жодзіне з 9 па 11 лютага, супернікамі гродзенцаў стануць «Тарпеда-БелАЗ», «Іслач» і «Смалявічы-СТІ».
У санаторый «Нёман-72» учора ў абед засяліліся 22 футбалісты: брамнікі Сяргей Курганскі, Уладзімір Жураў, Максім Шышлоў, абаронцы Яўген Лешка, Аляксандр Анюкевіч, Ягор Хвалько, Аляксандр Дземідовіч, Павел Забелін, Максім Яблонскі, паўабаронцы Андрэй Якімаў, Яўген Савасцьянаў, Павел Савіцкі, Павел Цеслюкевіч, Яраслаў Яроцкі, Артур Бомбель, Валерый Жукоўскі, Ян Сенкевіч, нападнікі Уладзіслаў Клімовіч, Васіль Журневіч, Андрэй Горбач, Арцём Канцавы, Дзмітрый Кавалёнак.
