Першы навічок сезона Вярнуцца да спісу
Сёння ў другой палове дня пагадненне з клубам падпісаў першы навічок гэтага сезону.
Атакуючы паўабаронца Валерый Жукоўскі падпісаў кантракт да канца года. Цяперашні сезон стане для Жукоўскага дванаццатым, які ён правядзе ў Вышэйшай Лізе. Аднак, да гэтага ураджэнец Гродзенскай вобласці яшчэ ні разу не выступаў за «Нёман». За сваю прафесійную кар'еру, якая пачалася даволі позна, гулец паспеў змяніць усяго 6 клубаў. Па адным сезону паўабаронца правёў у «Лідзе», «Белшыне», «Гомелі» і мінскім «Дынама», два з паловай у «Шахцёры», і пяць з паловай сезонаў у «Нафтане».
У мінулым годзе Жукоўскі стаў бронзавым прызёрам чэмпіянату, згуляўшы за мінчан 19 гульняў (2 галы, 3 перадачы).
Сардэчна запрашаем у «Нёман», Валерый!
