Станьце лепшай футбольнай сям'ёй краіны! Вярнуцца да спісу
«Тата, мама, я – футбольная сям'я»
Для вас няма лепш адпачынку, чым паганяць мяч у двары са сваімі дзецьмі? Футбол з'яўляецца адным з лепшых сяброў вашай сям'і? Марыце павесьці футболам сваю жонку і ўбачыць яе на футбольным полі? Жадаеце знайсці такіх жа захопленых футболам тат, мам і іх дзяцей, каб разам бавіць вольны час? Тады менавіта для вас Асацыяцыя «Беларуская федэрацыя футбола» засноўвае футбольны фестываль «Тата, мама, я – футбольная сям'я»!
Сямейнае свята футбола адбудзецца 10 верасня 2016 года ў Мінску на комплексе футбольных палёў АБФФ (праспект Пераможцаў, 20). У рамках фестывалю будуць арганізаваны міні-турніры па футболе ў пяці групах: сярод бацькоў, сярод мам, сярод дзяцей 7-9 гадоў, сярод дзяцей 10-12 гадоў, сярод дзяцей 13-16 гадоў. Склады каманд кожнай з груп будуць сфармаваныя арганізатарамі па выніках пададзеных заявак. Кожны ўдзельнік фестывалю будзе загадзя праінфармаваны аб складзе каманды, за якую ён будзе выступаць. Колькасць каманд у кожнай з груп і фармат правядзення матчаў у групах будуць вызначаны дадаткова пасля заканчэння заявачнай кампаніі.
Па выніках міні-турніраў будуць вызначаны 3 лепшыя футбольныя сям'і краіны, якія будуць узнагароджаны шматлікімі прызамі. Так, пераможцам фестывалю дастануцца футбольны кубак, мяч з аўтографамі гульцоў нацыянальнай зборнай каманды Беларусі, камплект гульнявой формы нацыянальнай зборнай, фота-сесія з любімым гульцом зборнай і, нарэшце, квіткі, увага!, у VIP-ложу на ўсе хатнія матчы нацыянальнай зборнай каманды Беларусі па футболе адборачнага цыклу Чэмпіянату Свету 2018 года.
Дадамо, што абсалютна ўсе ўдзельнікі фестывалю атрымаюць ад АБФФ шматлікія падарункі: майкі з лагатыпам турніру, футбольныя мячы, квіткі на хатнія матчы нацыянальнай зборнай Беларусі, дыпломы з подпісам галоўнага трэнера зборнай.
Хто можа прымаць удзел у фестывалі?
Мінімальны патрабаваны склад сям'і для ўдзелу ў фестывалі:
– тата і мама ва ўзросце ад 18 да 55 гадоў;
– дзіця ва ўзросце ад 7 да 16 гадоў.
Што неабходна зрабіць для ўдзелу ў фестывалі?
Зусім няшмат! Даслаць у АБФФ заяўку ўстаноўленага ўзору, а таксама падтрыхтаваць дакументы (копіі апошніх старонак пашпарта ўсіх членаў сям'і або пасведчанне аб нараджэнні дзяцей; копіі старонак пашпарта бацькі/маці з адзнакамі аб заключэнні шлюбу і нараджэнні дзіцяці/дзяцей; медыцынская даведка на кожнага члена сям'і – удзельніка фестывалю).
Заявачную дакументацыю на ўдзел у фестывалі неабходна направіць у галоўную судзейскую калегію да 2 верасня 2016 года по адрасе: Асацыяцыя «Беларуская федэрацыя футбола», 220020, г.Мінск, пр.Пераможцаў, 20, корпус 3, ці на факс +375172545927, ці на электроную пошту: grassroots@bff.by з паметкай «Сямейный кубак». Арыгіналы заявачнай дакументацыі прадастаўляюцца прадстаўніком сям'і непасрэдна перад пачаткам фестывалю. Мабільны тэлефон для даведак: +375297007176.
Мы будзем рады бачыць вас на сямейным свяце футбола!
Азнаёміцца з ПАЛАЖЭННЕМ турніра можна па спасылцы
