Два па дзвесце Вярнуцца да спісу
Згуляўшы ў матчы 18-га тура «Віцебск» — «Нёман» два гульца гродзенскага клуба дабраліся да адзнакі ў 200 гульняў, якія яны правялі ў мацнейшым дывізіёне Беларусі. Сінхронна свае юбілейныя матчы правялі паўабаронца жоўта-зялёных Яўген Савасцьянаў і абаронца Андрэй Горбач.
Савасцьянаў зрабіў гэта на 71 хвіліну раней, чым яго партнёр па камандзе, так як Горбач з'явіўся на поле толькі ў канцоўцы другога тайма, выйшаўшы на замену на 72-й хвіліне сустрэчы.
Андрэй Горбач свой першы матч у Вышэйшай Лізе правёў 8 жніўня 2004 года, а Яўген Савасцьянаў 10 ліпеня 2007 года. Такім чынам, для дасягнення круглай адзнакі ў 200 матчаў Андрэю спатрэбілася 4387 дзён (12 гадоў і 4 дні), а Яўгену – 3321 дзень (9 гадоў 1 месяц і 2 дні).
Раскладка па клубах і сезонах выглядае так:
Горбач – 3 (БАТЭ, 2004), 116 («Нёман», 2005-11), 26 («Дняпро» Магілёў, 2013), 19 («Слуцк», 2014), 36 («Нёман», 2015-16)
Савасцьянаў – 150 («Нёман», 2007-13), 32 («Гомель», 2014-15), 18 («Нёман», 2015-16).
З двухсот матчаў вышэйшай лігі, у якіх гульцы адзначыліся выхадам на поле, Горбач у складзе «Нёмана» адыграў у 152 матчах, а Савасцьянаў – у 168 матчах. Абодва футбаліста ўваходзяць у лік 12 гульцоў клуба, якія адыгралі за жоўта-зялёных больш чым у 150 гульнях чэмпіянату.
Падрабязная інфармацыя пра нашых гульцоў у любы момант даступная ў раздзеле ЖЗЛ. Жоўта-зялёныя людзі: Яўген Савасцьянаў і ЖЗЛ. Жоўта-зялёныя людзі: Андрэй Горбач.
