Кантракт скасаваны Вярнуцца да спісу
Тарас Дурай на гэтым тыдні пакінуў гродзенскі клуб. Кантракт паміж клубам і ўкраінскім паўабаронцам быў скасаваны па ўзаемнай згодзе.
Дурай прыйшоў у «Нёман» перад пачаткам гэтага сезону, хутка адаптаваўся і адразу ж стаў гульцом асноўнага складу. Гродзенскім заўзятарам ён запомніцца не толькі экстравагантнай знешнасцю, але і сваімі дзеяннямі на полі.
Мы запомнім неверагодныя эмоцыі пасля забітага Тарасам і незалічанага арбітрам гола ў браму «Віцебска», а таксама магутныя далёкія ўдары ў выкананні гульца. Пасля аднаго такога ўдару толькі перакладзіна выратавала браму БАТЭ. Будзь у гэтых момантах поспех на баку ўкраінца, расставацца з гульцом не трэба было б...
Дурай правёў за жоўта-зялёных у гэтым сезоне 11 матчаў у чэмпіянаце і зарабіў 2 папярэджанні.
Поспехаў, Тарас, на новым месцы!
