Ратацыя кадраў Вярнуцца да спісу
Праца па пошуку падыходных для вырашэння найскладанай задачы футбалістаў працягваецца. Учора завяршыўся прагляд для малдаваніна Валерыя Андроніка, а таксама для расейцаў Канстанціна Бялова і Мікіты Васільева. Малдаванін пакінуў размяшчэнне каманды ўчора, а расіяні паедуць сёння. Некалькімі днямі раней з'ехаў з Гродна яшчэ адзін расіянін Андрэй Чурын.
Свята месца пуста не бывае. Сёння раніцай у размяшчэнне трэнерскага штаба паступілі два новых гульца - Іван Рудніцкі і Сямён Смунёў.
Украінскі паўабаронца Іван Рудніцкі (05.07.1991; рост - 181 см, вага - 76 кг) з'яўляецца выхаванцам Тэрнопальскай ДЮСШ. У мінулым сезоне 2015/16 года Рудніцкі выступаў за Тэрнопальскую «Ніву», а раней за дубль луганскай «Зары» і кіраваградзкай «Зорки». 20 ліпеня Іван згуляў за сталічны «Мінск» супраць жоўта-зялёных, правёўшы на полі поўны другі тайм.
Абаронца Сямён Смунёў (14.09.1995) з'яўляецца выхаванцам віцебскай СДЮШАР-6 і належыць «Нафтану», але за галоўную наваполацкую каманду ў чэмпіянаце пакуль не згуляў. Смунёў пачынаў сваю футбольную кар'еру ў родным горадзе, згуляўшы ў 2012 годзе за «Віцебск»-2 у трэцім дывізіёне Беларусі 34 гульні (1 гол). З 2013 па 2015 год ён выступаў за дублюючы склад наваполачан і згуляў 72 матчы (9 забітых галоў), а ў гэтым сезоне быў аддадзены ў арэнду «Смаргоні» (9 гульняў).
