Нашы ў арэндзе Вярнуцца да спісу
ГАРАДЗЕЯ / Д1 (1)
ВАСІЛЮЧАК Уладзіслаў
У мінулы ўікэнд Улад Васілючак наведаўся ў які стаў яму родным горад Гродна, дзе ў рамках 25-то тура чэмпіянату яго цяперашняму клубу трэба было згуляць з «Нёманам». Вынік матчу мы ўсе ведаем – наша каманда выйграла 2:1, а галкіпер, у адрозненне ад сустрэчы ў першым крузе, назіраў за паядынкам з лаўкі запасных.
Статыстыка за сезон: ВАСІЛЮЧАК – 8 матчаў (8 у стартавым складзе; 720 хвілін; 13 прапушчаных мячоў; 3 матча на нуль).
ГРАНІТ-МІКАШЭВІЧЫ / Д2 (5)
ЦЭСЛЮКЕВІЧ Павел, ЗАБЕЛІН Павел, СЯНКЕВІЧ Ян, КВЕНЦАР Максім, ШЫШЛОЎ Максим
«Граніт» у хатнім паядынку атрымаў перамогу над «Белшынай» з лікам 2:1. Гродзенскі квінтэт гаспадароў з'явіўся на поле ў поўным складзе са старту матча. У выніку, поўны матч адыграў Шышлоў, Забелін і Квенцар. Сянкевіч быў заменены на 67-й хвіліне, а Цеслюкевіч – на 87-й. Адзначым, што апошні на 69-й хвіліне выканаўшы штрафны зарабіў асістэнцкіх бал, а Максім Квенцар дадаў сабе ў пасіў папярэджанне.
Статыстыка за сезон: КВЕНЦАР – 24 матча (усе – у стартавым складзе; 2017 хвілін; 2+4; 5/0/1); ЦЕСЛЮКЕВІЧ – 26 (26 у стартавым складзе; 2263 хвіліны; 4+8; 1/0/0); СЯНКЕВІЧ – 25 (25 у стартавым складзе; 2116 хвілін; 11+7; 5/0/0); ЗАБЕЛІН – 26 (26 у стартавым складзе; 2318 хвілін; 11+5; 1/0/0); ШЫШЛОў – 5 (5 у стартавым складзе; 450 хвілін; 7 прапушчаных галоў, адзін з іх з пенальці; 1 матч на нуль).
ЛІДА / Д2 (4)
ГОЛЬЦАЎ Юрый, ЛУКАШЫН Антон, БУЦЬКО Аляксандр, ЛЕШКА Яўген
З чацвярых жоўта-зялёных, якія гуляюць у «Лідзе» у арэндзе, на матч супраць «Смаргоні» у стартавым складзе ў мінулую суботу выйшлі тры – Гольцаў, Лукашын і Лешка. У выніку толькі Яўген адыграў поўны матч. Гольцаў быў заменены на 65-й хвіліне, а Буцько выйшаў на поле замест Лукашына на 87-й. Дадамо, што на 62-й хвіліне сустрэчы за неспартовыя паводзін Антон убачыў перад сабой жоўтую картку.
Статыстыка за сезон: ЛУКАШЫН – 25 (з іх 20 у стартавым складзе; 1507 хвілін; 1+2; 1/0/0); ГОЛЬЦАЎ – 23 матча (15 у стартавым складзе; 1342 хвіліны; 0+0; 5/0/0); БУЦЬКО – 23 (7 у стартавым складзе; 974 хвіліны; 2+4; 1/0/0); ЛЕШКА – 8 (6 у стартавым складзе; 635 хвілін; 0+0; 1/1/0).
СМАЛЯВІЧЫ СТІ / Д2 (1)
ДЗЕМІДОВІЧ Аляксандр
Адыграўшы ўвесь матч да канца, абаронца не дапамог сваёй камандзе пазбегнуць паразы ў цэнтральным матчы 26-га тура ад сталічнага «Праменя» – 0:1.
Статыстыка за сезон: 24 матчы (23 у стартавым складзе; 1926 хвілін; 2+0, 3 папярэджання).
СМАРГОНЬ / Д2 (1)
ГАНЧАРУК Кірыл
У апісаным вышэй матчы Ганчарук удзелу не прымаў, не патрапіўшы ў заяўку «Смаргоні».
Статыстыка за сезон: 23 матчы (21 у стартавым складзе; 1771 хвілін; 0+0; 3 папярэджання).
МЛКС ЗНІЧ / ПОЛЬШЧА Д5 (1)
ЖУРНЕВІЧ Васіль
Васіль Журневіч пакуль прытармазіў у папаўненні сваёй бамбардзірскай скарбонкі ў польскім «Зніч» (Бяла Піска). У мінулую суботу яго каманда на выездзе атрымала буйную перамогу над «Затокай», а форвард правёў на полі 84 хвіліны, пасля чаго быў заменены.
Статыстыка за сезон: 10 матчаў (8 у стартавым складзе; 525 хвілін; 3+0, 2/0/0). У матчах Кубка Польшы правёў 1 матч (0 у стартвом складзе; 45 хвілін; 1+1; 0/0/0).
