Гол плюс пас Вярнуцца да спісу
Чарговы галявы ўдар Паўла Савіцкага прынёс гродзенскаму клубу адзінаццатую перамогу ў чэмпіянаце.
У матчы супраць «Гарадзеі» паўабаронца «Нёмана» на 41-й хвіліне сустрэчы сваім фірмовым ударам вывеў сваю каманду наперад, даслаўшы мяч левай нагой у далёкую ад брамніка дзявятку брамы. Гэты надзвычайны па прыгажосці мяч стаў для Паўла пяцідзесятым у матчах чэмпіянату. Прыемна, што ўсе свае мячы на вышэйшым узроўні Савіцкі правёў за свой родны клуб. Акрамя забітага мяча, паўабаронца у сустрэчы з «цукравікамі» адзначыўся яшчэ і галявой перадачай.
У гэтым сезоне гэта ўжо дванаццаты дакладны ўдар паўабаронцы. Ранейшы рэкорд выніковасці ў сезоне быў усталяваны ў чэмпіянаце 2013 года, калі Савіцкі 11 разоў дакладнымі ўдарамі засмучаў суперніка.
