Сяргей САЛАДОЎНІКАЎ: Каб выйграваць такія матчы, трэба самім забіваць Вярнуцца да спісу
Вук РАШАВІЧ (галоўны трэнер каманды «Дынама-Мінск»):
— Досыць цікавы матч. Былі моманты для таго, каб забіць як у нас, так і ў суперніка. Мы чакалі такой гульні. Тры дні таму мы гулялі сур'ёзную гульню ў Лізе Еўропы і выдаткавалі там дастаткова эмоцый і сіл. Чакалі, што ў Гродна будзе нялёгкая гульня. Вынік першай гульні быў у нас негатыўны. Добра, што паспелі зрабіць тое, што хацелі ў другой гульні. Хачу падзякаваць футбалістаў за сённяшнюю гульню, яны аддалі за ўсё сябе. Мы дастаткова добра скончылі гульні на Кубак, але ў нас ёсць яшчэ адна гульня ў групе. Трэба ледзь-ледзь адпачыць і добра падрыхтавацца да апошняй гульні сезона.
Сяргей САЛАДОЎНІКАЎ (галоўны трэнер каманды «Нёман»):
— Добрае кубкавае супрацьстаянне. Калі хто аналізаваў, то гэта лепшая пара на гэтай стадыі. У 1/8 фіналу былі такія эмоцыі і да апошняй секунды заўзятары не ведалі, якая каманда пройдзе. Вялікая падзяка хлопцам за прафесіяналізм, за тое, што падрыхтаваліся да гэтага матчу. Бо чэмпіянат скончыўся тры тыдні таму і вельмі складана трымаць каманду ў тонусе. Хацеў «Дынама» павіншаваць з гэтым праходам, але мы заслугоўвалі ў гэтай гульні большага. Асобна хацеў падзякаваць сёння суддзю за першы тайм. Што ў яго ў перапынку здарылася, не разумею. Я думаю, што «Дынама» ў стане абгульваць без гэтых хатніх свісткоў. Хоць у цэлым, каб выйграваць такія матчы, трэба самім забіваць. Мы сёння стварылі два стоадсоткавых момантаў.
