ГЛЕБ: Любыя матчы прайграваць крыўдна, а асабліва тыя, у якіх ты ні ў чым не саступалі саперніку Вярнуцца да спісу
— Любыя матчы прайграваць крыўдна, а асабліва тыя, у якіх ты ні ў чым не саступаеш супернікам. У першай палове сустрэчы ў абедзвюх каманд момантаў было мала, аднак адзін з іх прывёў да недарэчнага голу. Ледзь недапрацавалі ў гэтым эпізодзе. Можа быць гэта і мяне тычыцца, трэба будзе ўважліва разгледзець гэты эпізод. Разабраць яго, каб такіх памылак не паўтараць надалей.
— Пасля недарэчнай паразы ў Наваполацку, каб застацца на чацвёртым месцы, камандзе трэба было сёння абавязкова перамагаць.
— Вядома, мы вельмі хацелі рэабілітавацца пасля гэтай ганьбы ў Наваполацку, але нам не ўдалося. Другі тайм атрымаўся зусім іншым. Думаю, што заўзятары ўсё бачылі - мы змагаліся да самага канца, з велізарнай самааддачай. Цалкам кантралявалі мяч, шмат атакавалі, але, на жаль, не заўсёды даводзілі свае атакі да ўдару.
— Чаго яшчэ не хапіла, каб даціснуць Жодзіна?
— Дзесьці агрэсіі, дзесьці рэалізацыі момантаў. Але трэба адзначыць, што сапернік сёння вельмі годна абараняўся. Трэба аддаць ім за гэта належнае.
— Пасля двух няўдалых гульняў мы адкаціліся на 7-е месца.
— Уся барацьба яшчэ наперадзе. Да канца чэмпіянату яшчэ амаль чвэрць шляху і мы аддамо ўсе сілы, каб скончыць турнір на чацвёртым месцы.
