Дзмітрый ТРОСКА: каманда знаходзіцца ў стадыі станаўлення Вярнуцца да спісу
Пятнічным днём маладзёжка гродзенскага клуба у чацвёртым туры четвёртом туры чэмпіянату згуляла з лікам 0:0. За каментарамі звярнуліся да галоўнага трэнера дубля жоўта-зялёных.
Дзмітрый ТРОСКА (галоўны трэнер дублюючага складу «Нёмана»):
— Гульня пакінула дваякія ўражанні. Не задавальняе арганізацыя і якасць гульні нашай каманды на дадзеным этапе. Слабае выкананне ў першую чаргу гульнявой дысцыпліны, а ў другую – выканальніцкае майстэрства не дазваляе. У гульні вельмі шмат памылак. Прысутнічаюць жаданне і самааддача. Над усім астатнім прыйдзецца папрацаваць.
— Другі тайм быў у нашым выкананні больш цікавым.
— Так, па розных прычынах. Першы тайм гулялі з колаў і супраць ветру. Як звычайна гэта бывае, прыехалі, выйшлі на поле, не паспелі разбегчыся... як вынік – два моманты ў сваю браму прывезлі самі сабе, проста супернік іх не выкарыстоўваў. У другім тайме ўжо ўвайшлі ў гульню, гулялі па ветры, больш-менш злавілі гульнявы тонус. Таму і на полі каманда глядзелася куды лепш.
— У самым пачатку матчу Беценя зрабіў некалькі прыкрых памылак, аднак у цэлым правёў вельмі добры матч. Хлопец двойчы ратаваў каманду.
— Вы маеце рацыю. Наша каманда памянялася адсоткаў на 70, і таму мы шукаем розныя варыянты ўзмацнення гульні. Як адзін з іх, варыянт з гульнёй Бецені ў якасці правага абаронцы. Я скажу, што сёння ён глядзеўся нядрэнна, і мы далей будзем выкарыстоўваць яго на гэтай пазіцыі. Малайчына.
— Яго замянілі ў канцы матчу. У Мікіты траўма?
— Я б сказаў – мікратраўмамі. У сувязі з якасцю поля ў яго на апошніх хвілінах забілася ікраножная мышца. І працаваць у поўную сілу ён не мог.
— Адразу пасля першага тайму быў заменены Сянкевіч. Да таго ж ён не далучыўся пасля матчу да асновы, а адправіўся ў Гродна. Нешта сур'ёзнае?
— Пакуль я не магу сказаць, што там на самой справе. Трэба зрабіць здымак, а потым каментаваць. Усё, што магу сказаць – нага прыпухла.
— Некалькі разоў у другім тайме штрафныя ўдары выконваў Буцько. Гэта запланаваны ход?
— Калі штрафной на выкананне – у нас працуюць адны, калі розыгрыш – іншыя. Прамыя ўдары ў нас выконваюць Буцько і Беценя. Сёння Саша Буцько двойчы добра выканаў такія ўдары. У першым моманце брамнік выратаваў «Дынама», у другім эпізодзе мяч праляцеў над перакладзінай.
— Падвядзем вынікі выезду ў Брэст.
— У нас прайшла ратацыя складу, каманда знаходзіцца ў стадыі станаўлення. Сённяшні матч у чарговы раз праявіў слабыя месцы і цалкам відавочна, што спраў у нас – непачаты край. Каб хлапчукі раслі, ім варта ўважліва паставіцца да патрабаванняў і шмат працаваць. Ім усім прыйдзецца прыкласці максімум намаганняў, для таго, каб у далейшым на іх звярнуў увагу трэнерскі штаб асноўнай каманды.
