Дакладна! Няправільна!

За сваю доўгую гісторыю наша каманда ў розных спаборніцтвах забіла каля 2 000 галоў. Вядома ж, хтосьці забіваў часцей за іншых і заслужана хадзіў ва ўлюбёнцах у гродзенскай футбольнай публікі.

Безумоўна, імі былі ўсе пералічаныя ў спісе адказаў гульцы, а хтосьці з’яўляецца такім і да гэтага часу. Аднак лаўры лепшага галеадора гродзенскага клуба належаць толькі аднаму з іх. Не дзіўна, што самым паспяховым у справе па дастаўцы мячоў у браму супернікаў быў цяперашні галоўны трэнер каманды Сяргей Саладоўнікаў.

За сваю працяглую кар’еру форвард настраляў за наш клуб прыстойную колькасць галоў – 161.

У матчах чэмпіянату СССР сярод каманд другой лігі – 130, у Кубку СССР – 2, чэмпіянаце Беларусі – 23, Кубку Беларусі – 5, у Кубку ўладальнікаў кубкаў – 1.

Цяперашняму пакаленню нападнікаў пра такое застаецца толькі марыць! Зрэшты, як і нам, заўзятарам.