Дакладна! Няправільна!

Прыйшоўшы ў 2000 годзе ў «Нёман», вязьміч Сяргей Давыдаў стаў для каманды Сяргея Саладоўнікава вельмі карысным набыткам. 

 Яшчэ ў 1999 годзе расійскі нападнік гуляў у чэмпіянаце Смаленскай вобласці за «Аўтамабіліст» з Вязьмы і быў для футбольнай Беларусі цёмным конікам. Ніхто не чакаў ад гэтага футбаліста такой яркай і выніковай гульні ля варот суперніка. Ужо ў першы год свайго знаходжання ў Гродне Давыдаў забіў 18 мячоў у наймацнейшай лізе Беларусі. Такога выніку ў сучаснай гісторыі гродзенскай каманды яшчэ не было. Аднак на гэтым наваяўлены галеадор не спыніўся і на наступны год пабіў свой жа рэкорд, адначасна стаўшы лепшым бамбардзірам чэмпіянату Беларусі 2001 года. На рахунку расійскага нападніка было 25 дакладных удараў у 26 праведзеных матчах – 0,96 гола за гульню!

Да гэтага часу ніхто з жоўта-зялёных не змог пабіць гэты рэкорд.