Форма команд: белые майки и трусы — жёлтые майки и трусы.

Ні з кім гродзенцам не даводзілася так часта сустракацца ў рамках розыгрышу Кубка Беларусі, як з салігорскім «Шахцёрам». Такіх супрацьстаянняў у гісторыі клубаў налічваецца шэсць. Перавага гарнякоў відавочна: у пяці выпадках з шасці далей ішоў клуб з Салігорску.

Поўная гісторыя супрацьстаяння: «Нёман» - «Шахцёр»

2001/02. «Шахцёр»

Упершыню ў кубку каманды сустрэліся ў розыгрышу Кубка Беларусі ў кастрычніку 2001 года на стадыі 1/8 фіналу. У Салігорску гродзенцам прыйшлося адыгрывацца, аднак мяч забіты Тарашчыкам за 15 хвілін да заканчэння асноўнага часу матчу «Нёман» не выратаваў. Праз сем хвілін гарнякі зноў выйшлі наперад, утрымалі перамогу і выйшлі ў наступную стадыю.

«Шахцёр» вылецеў з гэтага розыгрышу на стадыі паўфіналу, двойчы саступіўшы барысаўскаму БАТЭ, які прайграў кубак «Гомелю».

2003/04. «Шахцёр»

3 сакавіка 2004 года нашы зноў саступілі з лікам 1:2, толькі на гэты раз дома. На перапынак гродзенцы сышлі маючы перавагу, аднак мяча забітага Дзмітрыем Кавалёнкам для перамогі не хапіла – два прапушчаных галы ў другім тайме зноў перакрэслілі ўсе старанні.

Гэты розыгрыш стаў для гарнякоў пераможным. У паўфінале быў абыграны «Нафтан», а ў фінальным матчы ў дадатковы час пераможаны «Гомель». «Шахцёр» і цяперашні галоўны трэнер каманды Сяргей Нікіфарэнка ўпершыню сталі уладальнікам гэтага трафея.

2004/05. «Нёман»

Праз сем месяцаў каманды зноў сышліся ў барацьбе за кубак, толькі ўжо наступнага розыгрышу. Уладальнік кубка краіны склаў свае паўнамоцтвы ўжо на стадыі 1/8 фіналу, саступіўшы гродзенцам у серыі пасляматчавых адзінаццаціметровых удараў. У асноўны час каманды галоў не забілі, абмяняўшыся выніковымі ўдарамі ў дадатковы час. Гаспадары адыграліся на 109-й хвіліне – аўтаголам адзначыўся брат Цімафея Калачова Дзмітрый. А сапраўдным героем матчу стаў Аляксандр Суліма, які выратоўваў каманду ў гульнявы ​​час, адбіў адзінаццаціметровы ўдар Слесарчука, а потым забіў з «кропкі» сам.

У чвэрцьфінале гродзенцы двойчы перайгралі «Белшыну», аднак паўфінальны бар'ер пераадолець не змаглі, два разы прайграўшы мінскаму МТЗ-РІПА. У складзе мінчан уладальнікам кубка ў той год сталі Аляксандр Суліма, Віталь Тарашчык і Арцём Канцавы.

2008/09. «Шахцёр»

У красавіку 2009 года каманды сустрэліся ў паўфінале. Для вызначэння фіналіста былі прадугледжаны два матчы, аднак камандам так і не хапіла 180 хвілін, каб вызначыць мацнейшага. Абодва разы гродзенцы выходзілі наперад пасля перапынку – у першым матчы вызначыўся Аляксандр Сямёнаў, а ў другім – Ігар Чумачэнка, аднак абодва разы дазволілі суперніку лік зраўняць. У Салігорску гаспадары выратаваліся на апошняй хвіліне асноўнага часу. А калі да серыі пенальці заставалася ўсяго тры хвіліны, салігорцы вызначыліся ў другі раз і вырвалі пуцёўку ў фінал.

У галоўным матчы турніру Салігорск саступіў у дадатковы час «Нафтану», які пад правадырствам Ігара Кавалевіча заваяваў свой першы трафей. Пераможную галявую перадачу ў фінале запісаў на свой рахунак Філіп Рудзік, а Уладзіслаў Касмынін на поле не выходзіў, аднак лічыўся ў ліку запасных гульцоў «Нафтана».

2009/10. «Шахцёр»

Практычна праз год у чвэрцьфінале гродзенцам зноў прыйшлося згуляць з «Шахцёрам». Абодва матчы «Нёман» прайграў, прапусціўшы па два мячы ў канцоўцы сустрэчы. У хатнім матчы Андрэй Горбач адкрыў лік ужо на 14-й хвіліне, аднак за тры хвіліны да канца сустрэчы гарнякі лік зраўнялі, а на другой дададзенай хвіліне выйшлі наперад. У Салігорску фатальнымі для нёманцаў сталі 86-я і 94-я хвіліны.

«Шахцёр» у паўфінале прайграў будучаму пераможцу розыгрышу барысаўскаму БАТЭ. Уладальнікам Кубка Беларусі 2010 года ў складзе барысаўскай каманды сталі Сяргей Верамко, Аляксандр Алумона, Сяргей Сасноўскі і Арцём Канцавы.

2013/14. «Шахцёр»

На гэты раз супернікі сашліся ў самым галоўным матчы розыгрыша, правядзенне якога было аддадзена Барысаву. Фінал кубка краіны стаў першым афіцыйным матчам, які адбыўся на новенькай «Барысаў-Арэне». На жаль, адзіны гол у гэты вечар забіў прадстаўнік салігорскай каманды, перамога, а разам з ёй і трафей, дасталіся «Шахцёрe». З тых, хто тады стаў уладальнікам кубка, у салігорскай камандзе ўсё яшчэ выступаюць: Катэнка, Мацвейчык, Янушкевіч, Юрэвіч, Старгародски, Асіпенка, Кузьмянок і Януш. З тых, хто спыніліся за крок ад запаветнага трафея, у «Нёмане» засталіся Дзмітрый Кавалёнак, Аляксандр Анюкевич і Павел Савіцкі, а таксама Павел Рыбак, які на гэты раз згуляе за «Шахцёр».

• Вынікі галасавання

  Як завершыцца матч 1/8 фіналу Кубка Беларусі?

  • перамога «Нёмана»
    46%
  • перамога гаспадароў па панельці
    19%
  • перамога гасцей па пенальці
    6%
  • перамога «Шахцёра»
    29%

1/16 ФІНАЛА

Абедзве каманды ўступілі ў барацьбу са стадыі 1/16 фіналу. Гродзенцы 7 ліпеня ўпэўнена ў гасцях перайгралі прадстаўніка трэцяга беларускага дывізіёна стаўбцоўскі клуб «Нёман-Агра». Пяць мячоў на рахунку трох гульцоў. Па адным разе ў Стоўбцах адзначыліся Кірыл Вяргейчык і Дзмітрый Кавалёнак, хет-трык у гэтым матчы ўдалося зрабіць Паўлу Савіцкаму.

Салігорская дружына заваявала пуцёўку ў 1/8 фіналу адной з апошніх. 6 верасня ў гасцях гарнякі абгулялі «Ліду» з лікам 2:0 (дубль на рахунку Дзяніса Лапцева).

ШАХЦЁР (4-4-2): Катэнка – Мацвейчык (Крывулец, 74), Кузьмянок (Янушкевіч, 46), Рыбак, Юрэвіч (Ігняціевіч, 46) – Елезаранка, Паўлаў, Старгародскі (к), Кавалёў (Шыбун, 64) – Асіпенка, Лапцеў (Цімашэнка, 46). Запасныя: Бушма, Бурко.

СКЛАД СУПЕРНІКА

Індывідуальныя паказчыкі гульцоў у цяперашнім розыгрышы кубка.

Поўная статыстыка гульцоў каманды «Нёман» (закладка «Статыстыка»)

УКЛЮЧАЙСЯ І ГЛЯДЗІ

Прамая трансляцыя матчу 1/8 фіналу Кубка Беларусі сярод каманд «Нёман» (Гродна) – «Шахцёр» (Салігорск).

Матч адбудзецца 21 верасня. Пачатак сустрэчы ў 19.30. Уключайцеся за 15 хвілін да пачатку гульні.

Трансляцыя з Гродна