Траўматычныя выпадкі: Юрый Рыжко (8, падазрэнне на парыў звязкаў правага локцевага сустава / адвязлі ў лякарню).

Форма каманд: зялёныя майкі і трусы — белыя майкі і трусы.

Каманды раней ні ў кубку, ні ў чэмпіянаце краіны не сустракаліся. «Іслач» стане 35-м супернікам за увесь час удзелу гродзенскага клуба ў Вышэйшай Лізе. Для «Нёмана» гэта гульня стане 712 у чэмпіянаце, а для «Іслачы» – 8.

У складзе «Іслачы» гуляюць тры гульца, якія добра вядомыя гродзенскім заўзятарам. Дзмітрый Макар выступаў за жоўта-зялёных на працягу двух сезонаў (33 гульні, 8 галоў), Аляксандр Алумона – двух сезонаў (45 гульняў, 19 галоў), а Іван Дзенісевіч – васьмі сезонаў (149 гульняў, 27 галоў).

У гасцях «ваўкі» атрымалі тры перамогі ў трох матчах і не прапусцілі пакуль ніводнага мяча. Матчы «Іслачы» ў чэмпіянаце: Нафтан – 2:0 (д), Граніт – 1:0 (г), Крумкачы ​– 0:0 (д), Віцебск – 2:1 (г), Дынама-Брэст – 2:4 (д), Мінск – 1:0 (г), Белшына – 2:3 (д).

«Нёман» у цяперашнім чэмпіянаце не атрымаў пакуль ніводнай перамогі. У чатырох хатніх матчах набрана толькі два ачкі. Матчы «Нёмана»: Граніт – 1:1 (д), Крумкачы –​ 1:2 (г), Віцебск – 0:0 (д), Дынама-Брэст – 0:2 (г), Мінск – 0:1 (д), Белшына – 1:1 (г), БАТЭ – 0:1 (д).

У чэмпіянаце каманды ў сямі першых турах прапусцілі па 8 мячоў (у сярэднім – 1,14 за гульню).

Атака гасцей выглядае пераважней. У сямі матчах «ваўкі» 10 разоў адпраўлялі мяч у сетку варот суперніка (3 – Ал.Лебедзеў, 2 – Шагойка, па 1 – Папуш, Дзенісевіч, Місюк, Алумона і Бялоў), у той час як наша каманда – толькі тры разы ( 2 – Васілюк, 1 – Бомбель).

Сярэдняя выніковасць «Іслачы» складае 1,43 мяча за гульню, гродзенскага «Нёмана» – 0,43.

• Вынікі галасавання

  «Нёман» - Іслач: прадкажы вынік матчу

  • алені мацней
    65%
  • без пераможца
    15%
  • перамога валкоў
    20%

ДВА ПА ТРЫ

Учора сустракаліся дублюючыя склады каманд. Гульня прайшла пры поўнай перавазе гаспадароў поля, аднак атрымаць перамогу падапечным Дзмітрыя Траско не ўдалося. Двойчы па ходзе матчу жоўта-зялёныя прайгравалі з розніцай у два мячы, аднак знайшлі ў сабе сілы зраўняць лік у самым канцы сустрэчы – выніковы лік 3:3 (Лукашык 25, Сянкевіч 41-пен, 87-пен – Парываеў 6, Марыніч 10, Д.Клачко 39). Усе тры мячы гродзенцы прапусцілі ў выніку ўласных грубых памылак у абароне. Два з трох забітых мяча правялі з адзінаццаціметровай адзнакі. У складзе гасцей поўны матч адыгралі брамнік Туранок, Макар і Парываеў. Туранок старэй самога старэйшага гульца гродзенскага дубля на 9 гадоў, Парываеў – на 13, а Макар – на 14 гадоў.

Пасля восьмага тура наша маладзёжка з 10-цю ачкамі размясцілася на 11-ым радку турнірнай табліцы. Адставанне ад лідэра, мінскага «Дынама», складае 7 ачкоў

ЗАЯЎКА НА СЕЗОН

Поўная статыстыка гульцоў каманды «Нёман» (укладка «Статыстыка»)

УКЛЮЧАЙСЯ І ГЛЯДЗІ

Прамая трансляцыя матчу 8-га тура «Беларусбанк – чэмпіянат Рэспублікі Беларусь па футболе сезона 2016 года сярод каманд вышэйшай лігі» «Нёман» (Гродна) – Іслач (Мінскі раён).

Матч адбудзецца 17 траўня. Пачатак сустрэчы ў 20.30. Уключайцеся за 15 хвілін да пачатку гульні.

Трансляцыя з Гродна

...SO GOOD...

Вельмі цяжка даводзіцца камандзе, калі няма перамог. У першую чаргу псіхалагічна і маральна. І быццам з'яўляецца месцамі гульня, і, здаецца, не саступаем па ўсіх пунктах суперніку, аднак станоўчага выніку няма. Няма выніку – няма куражу, няма куражу – няма ачкоў. Пасля сённяшняй гульні, будзем спадзявацца, сітуацыя будзе мяняцца ў лепшы бок. Яна, уласна, ужо змянілася. Мае рацыю Васькоў, які пасля мінулага матчу супраць БАТЭ сказаў, што наступны матч будзе яшчэ лепш. У плане выніку – гэта бясспрэчны факт. Жоўта-зялёныя набралі свае першыя тры ачкі ў сезоне 2016 года. І ведаеце, што цікава, што мы іх набралі ў восьмым туры. Гэтак жа, як і ў сезоне мінулым. Тады ў Гродна быў пераможаны «Граніт-Мікашэвічы», цяпер – пачатковец лігі «Іслач». Скажы хто-небудзь да пачатку чэмпіянату, што мы магчыма дома абыграем каманду з мінскага раёна, усе б сказалі – а як інакш? Але ўся справа ў тым, што да нас на восьмы тур зазірнуў адзін з лідэраў чэмпіянату. Каманда Жукоўскага была перад стартам гэтага тура другой. Праўда, як заўважылі заўзятары, якія сыходзяць пасля гульні са стадыёна: «Хіба гэта другая каманда краіны ...»

Здаецца, што многія трохі нерэальна ацэньваюць магчымасці некаторых каманд у чэмпіянаце. Зараз абсалютна ўсе навучыліся абараняцца і атакаваць. І ў гэтым туры такое становішча рэчаў з лішкам даказалі «Крумкачы», якія не пакінулі каменя на камені ад сталічнага «Дынама». Нулёў ў табліцы больш няма: мы атрымалі першую перамогу, а дынамаўцы Мінска пацярпелі першае паражэнне. Пасля другога тура ўся футбольная краіна смяялася з нас. Што ж, смяецца той, хто смяецца апошні...

Аднак, вернемся да нашай сустрэчы. Трэба адзначыць, што «Іслачы» вельмі не пашанцавала. Гродзенцы сваім выступам у сямі папярэдніх турах моцна самі прыціснулі сябе да сцяны. А загнаны ў кут звер, як вядома, небяспечны ўдвая. Таму шанцаў на агульны поспех у сённяшнім справе ў прыезджай каманды было менш, чым у жоўта-зялёных. Тым больш, што заўзятары ў Гродна прачынаюцца і рэальна пачынаюць уплываць на гульню. Хай сёння было разы ў два менш аматараў футбола, чым на матчы з БАТЭ, аднак заўзелі яны не слабейш, а месцамі нават лепш, чым некалькі дзён раней у матчы супраць лепшай каманды краіны.

А бо было ад чаго не сядзець склаўшы рукі. Васькоў дадае ад матчу да матчу, што не можа не радаваць гарадзенскіх заўзятараў. Яго апанентам сёння не пашчасціла.

Да перапынку «ваўкі» стварылі адзін запамінальны момант, які скончыўся бурнымі авацыямі трыбун у дачыненні да Курганскага, а вось гаспадары забілі двойчы, прычым першы гол жоўта-зялёных будзе прэтэндаваць на званне лепшага гола ў гэтым туры. Пасля ўдару з-за штрафной Дурая, мяч зноў вылецеў за межы, аднак Кавалюк адразу прабіў па браме ў другі раз – рыкашэт і Канцавы ударам у падзенні праз сябе ўбіў першы мяч у сетку брамы Будакова – 1:0.

Гол быў такім доўгачаканым, што радасць ад гэтай падзеі была неадкладна падзелена на ўсіх, да каго было магчыма дацягнуцца.

Праз сем хвілін максімум з моманту змог выціснуць Артур Бомбель. Гэта ён адабраў мяч у абаронцы, уцёк ад яго, увайшоў у штрафную і прымусіў свайго візаві сфаліць на ім – пенальці быў відавочным. Той хто не верыць, можа паглядзець на вось гэтую карціну маслам, як казаў адзін вядомы кіношны персанаж.

Абаронца рукой прыпыніў Артура, за што і быў пакараны адзінаццацімятровым ударам, які выразна рэалізаваў Раман Васілюк – 2:0.

Гэта яго трэці гол у гэтым сезоне. Вось тут бы даціснуць суперніка, каб той не рыпнущся ў канцоўцы сустрэчы, але так бывае не заўсёды. Першы непрыемны званочак прагучаў за тры хвіліны да перапынку. З далёкім шчыльным ударам Шагойка справіўся Курганскі. А другі, далёка не званочак, а паўнавартасны звон – на другой хвіліне другой паловы сустрэчы. І зноў Курганскі выратаваў сваю каманду ад непазьбежнага гола, двойчы ў адной атацы адбіўшы небяспечныя ўдары суперніка – спачатку ўдар са штрафнога, а потым ўдар пасля дабіванне.

Тым не менш, госці так размачылі няўступлівасцю галкіпера гаспадароў. На 61-й хвіліне чарговы стандарт прынёс свой плён: падача з кутавога і Ясюкевіч ў барацьбе з абаронцам ўсё ж пасылае мяч у далёкі ад брамніка кут варот – 2:1.

Гэтыя гульнявыя эпізоды трохі страсянулі нашу каманду, якая да канца сустрэчы не дала ўсумніцца ў правільнасці выніку. Аддаўшы свядома тэрыторыю, гаспадары небяспечна дзейнічалі наскокамі. Судзіце самі: 57-я хвіліна – хуткая атака з ударам Васькова у блізкі кут і толькі Будакощ ратуе браму, 68-я – удар Бомбеля з лініі штрафной і мяч ляціць вышэй брамы, 79-я – падача з правага флангу і Вяргейчык небяспечна б'е галавой у блізкі кут брамы, міма, 80-я хвілін – яшчэ адзін недакладны ўдар Бомбеля з далёкай дыстанцыі, 84-я – удар Лешка міма... Госці маглі пахваліцца толькі багаццем стандартаў каля брамы Курганскага, да рэальных пагроз справа не даходзіла.

Варта адзначыць добрую гульню нашай каманды ў абароне. Асабліва вызначаўся сёння Бебе, які цалкам апраўдвае назву сваёй футбольнай зборнай. Камерунскі леў паспяваў адпрацаваць не толькі ў першы раз кінуў ёй, але і паўнавартасна папрацаваць на флангу атакі. Працавала на ўсю моц наша цэнтральная вось абароны – Пазняк і Сасноўскі, а Анюкевіч, акрамя выканання сваіх непасрэдных абавязкаў, некалькі разоў спрабаваў прарвацца па левым краі атакі. Адным словам, сёння змагалася ўся каманда, і не толькі на полі. Гэтую перамогу можна пароўну дзяліць на ўсіх: на гульцоў, на трэнерскі штаб і на заўзятараў, якія не абыякавыя да гродзенскай каманды. Спадзяемся, што з кожным матчам падтрымка на нашым стадыёне будзе толькі больш магутная.

Па выніках гэтага тура мы пакінулі апошняе месца. Шчыльнасць ў табліцы такая, што кожная перамога можа падымаць каманду на некалькі радкоў вышэй, роўным рахункам як і кожнае паражэнне апускаць яе. У наступным туры, які зусім не за гарамі, едзем у госці да мазырскай «Славіі», у якой у наяўнасці дзевяць ачкоў. Было б не дрэнна... Але пакуль, прамаўчым.

Віталій Жукоўскі (галоўны трэнер «Іслачы»):

— Перш за ўсё, хачу павіншаваць суперніка з перамогай, у прыватнасці галоўнага трэнера. Першая перамога яна заўсёды запамінальная. Па гульні. У прынцыпе, да такой гульні мы і рыхтаваліся. Яна была цяжкай. Зноў прапусцілі і далі фору ў два галы. Гэта грубыя памылкі, але гэта нашы памылкі. Потым было ўжо цяжка нешта выправіць. Былі моманты каб лік зраўняць, але супернік абараняўся, хацеў у гэтай гульні перамагчы. Напэўна ён гэтага хацеў больш і перамог заслужана.

— Пракаментуйце эпізод, калі брамнік футбольнага клуба «Іслач» штурхнуў хлопчыка з мячом на апошніх хвілінах матча, і ці буду ужытыя да яго нейкія санкцыі з боку клуба?

— Малады чалавек, магчыма не з гэтага пачынае. Калі яму Канцавы мяч пакаціў, ён адмыслова яго не падаў на поле. Але, у прынцыпе, наш брамнік не мае права так паступаць. Гэта не прыгожа, а па-другое – гэта не па спартыўным. Скажу шчыра, гэта выхаваны чалавек і пасля матчу ён выйшаў, нікому нічога не кажучы, і падарыў гэтаму хлопцу пальчаткі. Свае брамавыя пальчаткі і папрасіў прабачэння перад маладым чалавекам. Ён зразумеў, што быў не правы.

Алег Кірэня (галоўны трэнер «Нёмана»):

— Ведаеце, як кажуць, чым цяжэй перамога – тым яна ганаровей. Сёння я шчаслівы, вядома ж. Разумею, што Віталю Леанідавічу яго футбалісты сёння падарылі гальштук. Што тычыцца гульні, то мы добра адпрацавалі ў абароне, маглі яшчэ недзе рэалізаваць, маглі прапусціць. Але мабыць нам перамога была патрэбней, у нашым становішчы.

— Другі раз Вяргейчык выходзіць у канцоўцы матчу на замену, калі яшчэ нічога не вырашана. Здалося, што ён не зусім упэўнена сябе адчувае. Наколькі апраўданая такая замена?

— Па-першае, Рома Васілюк сам папрасіў замену, а па-другое, у суперніка выйшаў Саша Лебедзеў, высокі гулец. Мы таксама высокага выпусцілі, каб ён уверсе падужаўся.

— Паведамлялася, што Савасцьянаў неўзабаве павінен з'явіцца ў гульні. Савіцкі з'явіўся, а Савасцьянаву так і няма. Як ён сябе адчувае?

— З'яўляецца на трэніроўках (смех у зале). З заўтрашняга дня павінен пачаць заняткі ў агульнай групе. Але гэта да доктара больш пытанне.

ВІДЭА