Форма каманд: сінія майкі і трусы — зялёныя майкі, жоўтыя трусы.

СЛУЦК — НЁМАН

Афіцыйныя матчы «Слуцка» у гэтым сезоне: Нафтан (госці) – 1:0 (Юсаў), Тарпеда-БелАЗ (дома) – 4:1 (Сафонаў, Себаі-2, Залескі), Нёман (госці) – 1:2 (Кібук), Гарадзея (дома) – 1:1 (Юсаў), Гомель (госці) – 1:0 (Ауіе), Мінск (дома) – 2:0 (Образаў, Себаі), Дынама-Брэст (госці) – 0:0, БАТЭ (дома) – 1:0 (Себаі), Шахцёр (госці) – 1:2 (Яцкевіч), Славія-Мазыр (дома) – 0:0, Іслач (госці) – 2:1 (Яцкевіч, Рушніцкі), Крумкачы (госці) – 1:1 (Сафонаў), Дынама-Мінск (дома) – 0:3, Віцебск (госці) – 1:0 (Трачынкі), Дняпро (дома) – 1:0 (Ауіе), ЮАС (госці – 3:0 (кубак; Рушніцкі-3), Віцебск (госці) – 0:0 па пен. 4-2 (кубак), Нафтан (дома) – 0:1, Тарпеда-БелАЗ (дома) – 1:1 (Яцкевіч).

Матчы «Нёмана»: Славія-Мазыр (дома) – 0:0, Іслач (госці) – 1:0 (Савіцкі), Слуцк (дома) – 2:1 (Лакціёнаў, Рудзік), Дынама-Мінск (госці) – 0:1, Віцебск (дома) – 1:4 (Лакціёнаў), Дняпро (госці) – 3:0 (Лакціёнаў, Савіцкі, Яроцкі), Нафтан (дома) – 2:1 (Жукоўскі, Савіцкі), Тарпеда-БелАЗ (госці) – 1:1 (Савіцкі), Крумкачы (дома) – 2:0 (Савіцкі), Гарадзея (госці) – 0:1, Гомель (госці) – 2:2 (Якімаў, Савіцкі), Мінск (дома) – 3:1 (Жукоўскі, Рудзік-2), Дынама-Брэст (госці) – 2:0 (Рудзік, Якімаў), БАТЭ (дома) – 0:1, Шахцёр (госці) – 0:0, СДЮШАР №8 (госці) – 7:0 (Журневіч-2, Хлебасолаў-2, Кавалёнак, Яблонскі, Бомбель), Мінск (дома) – 1:0 (Савіцкі), Славія-Мазыр (госці) – 2:1 (Якімаў, Глеб). Іслач (дома) – 1:1 (Жукоўскі)

У першым крузе каманды сустракаліся ў Гродна. Жоўта-зялёныя двойчы паразілі браму суперніка і перамаглі з лікам 2:1 (Лакціёнаў, Рудзік).

На сённяшні дзень каманды ў чэмпіянаце згулялі 9 матчаў: +3=4-2, рознасць мячоў 6-6. Больш падрабязна пра супрацьстаянне «Нёман» - «Слуцк»

• Вынікі галасавання

  «Слуцк» — «Нёман»: прадкажы вынік сустрэчы

  • перамога гаспадароў
    8%
  • нічыя
    10%
  • перамога «Нёмана»
    82%

СУПЕРНІК У ЛІЧБАХ

Дадзеныя ўзятыя з справаздач InStat, размешчаных на сайце АБФФ.

МЕСЦА І ЧАС

Матч 18-га тура Беларусбанк — чэмпіянату паміж камандамі «Слуцк» — «Нёман» адбудзецца ў суботу, 12 жніўня. Сустрэча пройдзе ў Слуцку на Гарадскім. Кошт квітка — 3 рублі (ільготны — 1,5 рубля). Пачатак сустрэчы ў 18:00.

У ПАПЯРЭДНІМ МАТЧЫ

У папярэднім туры «Нёман» дома на апошняй хвіліне сустрэчы ўпусціў перамогу ў матчы супраць «Іслачы» (1:1), а «Слуцк» у гасцях згуляў унічыю з жодзінскім «Тарпеда-БелАЗ» 1:1. Так выглядалі склады ў папярэднім туры:

НЁМАН (4-2-3-1): Курганскі – Зубкоў, Хвалько, Кантарыя, Абуна – Клімовіч (Глеб, 46), Савасцьянаў (Горбач, 71) – Бебе, Якімаў, Жукоўскі – (к) Канцавы (Кавалёнак, 81) . Запасныя: Жураў – Лакціёнаў, Яблонскі, Хлебасолаў. Галоўны трэнер – І.Кавалевіч.

СЛУЦК (4-2-3-1): Дудар – Залескі, Каршакевіч, Образаў, (к) Бабко – Сафонаў, Думбія (Аюі, 76) – Юсаў (Шыкаўка, 68), Гурэнка, Коне (Кібук, 46) – Яцкевіч . Запасныя: Панкратаў – Быліна, Хотаў, Шчагрыковіч. Галоўны трэнер – В.Паўлаў.

СУДЗЕЙСКАЯ БРЫГАДА

Галоўны суддзя: Віктар Шымусік (Асіповічы).
Памочнікі суддзі: Сяргей Гушча (Мінск) і Дзмітрый Загарэльскі (Орша).
Рэзервовы суддзя: Павел Рудзенкоў (Гомель).
Інспектар матчу: Валерый Пятровіч (Мінск).

Шымусік дэбютаваў ў мацнейшым дывізіёне краіны ў 2014 годзе. За тры з паловай сезона 41 раз прызначаўся на матчы Вышэйшай Лігі, ў якіх у сярэднім за гульню паказаў 3,78 карткі. Статыстыка арбітра ў лізе: 145 папярэджанне, 10 выдаленняў (з іх 4 прамых) і 9 разоў прызначаў пенальці. У гэтым годзе адпрацаваў ўжо 10 матчаў на вышэйшым узроўні.

Рэферы 6 разоў судзіў матчы з удзелам нашага клуба: +2=1-3, розніца мячоў 7-8. У гэтых матчах паказаў гродзенцам 17 жоўтых картак і прызначыў у нашую браму 1 пенальці. Супернікі жоўта-зялёных атрымалі толькі 7 папярэджанняў і 1 раз пакараныя адзінаццаціметровым. Працэнт набраных гроадзенцамі ў гэтых матчах ачкоў (зыходзячы з 3 ачкоў за перамогу): 38,89%.

У гэтым сезоне па разе судзіў абедзве каманды. У гэтых матчах гродзенцы перайгралі ў Брэсце мясцовае Дынама з лікам 2:0, а случчакі ў гасцях прайгралі «Шахцёр» 1:2.

СКЛАД СУПЕРНІКА

Галоўны трэнер каманды: Віталь Паўлаў (21.08.1965). Каманду ўзначаліў 1 студзеня 2017 года. Папярэдняе месца працы – бабруйская «Белшына» (Д2).

У прадстаўленай ніжэй заяўцы на сезон значацца 28 футбалістаў, праўда ў летняе трансфернае акно чатыры з іх пакінулі клуб (Куаджа, Трачінскі, Рушніцкі і Себаі). Роўна палова гульцоў з гэтага спісу ў мінулым годзе гуляла ў іншых камандах: 9 гульцоў далучыліся да «Слуцку» перад стартам сезона, 5 футбалістаў падпісалі кантракты ў летнюю паўзу (Бобух, Гурэнка, Шыкаўка, Хотаў і Коне). Агульнагадавы адсотак абнаўлення складу – 50,00%; 14 з 28).

За «Іслач» у гэтым сезоне выступалі 9 легіянераў: пяць івуарыйцаў (Куаджа, Думбія, Аюі, Коне і Себаі), два ўкраінца (Сафонаў, Юсаў) і два расіяніна (Бобух і Хотаў). Куаджа і Себаі ўжо пакінулі клуб.

Навічкі каманды (Панкратаў, Бобух, Вобразаў, Каршакевіч, Куаджа, Гурэнка, Кібук, Шчагрыковіч, Шыкаўка, Сафонаў, Юсаў, Трачынскі, Хотаў, Коне) на ўсіх правялі 8 499 хвілін гульнявога часу з 16 830 згуляных хвілін, што адлюстроўвае фактычнае абнаўленне складу у параўнанні з мінулым сезонам, якое складае 50,49%. Менавіта столькі гульнявога часу прыпадае на тых, хто прыйшоў у каманду гульцоў.

Для нагляднасці прывядзем статыстыку навічкоў гродзенскага клуба: 8 294 хвілін з 16 802 фактычна згуляных хвілін, што складае 49,36% гульнявога часу каманды.

Раней за гродзенскі клуб выступаў толькі Барыс Панкратаў, які ў сезоне 2012 года згуляў за жоўта-зялёных 1 матч і прапусціў 4 мячы.

Поўная статыстыка гульцоў каманды «Нёман» (закладка «Статыстыка»)

Валерый ЖУКОЎСКІ: Нам было вельмі цяжка, але ад гэтага перамога толькі прыемней

— Віншуем з двума забітымі мячамі і перамогай каманды! 
— Дзякуй, перапаўняюць станоўчыя эмоцыі. Сёння для нашай каманды была складаная гульня: добры супернік, плюс спякотнае надвор'е. Першы тайм мы згулялі годна, а вось у другім Слуцк глядзеўся лепш. Нам было вельмі цяжка, але ад гэтага перамога толькі прыемней.

— На працягу некалькіх апошніх матчаў запар першыя таймы у нашым выкананні куды лепш за другі. З чым звязаныя такія гульнявыя перапады, як лічыш?​
— Адназначнага адказу няма. Фізічна каманда гатовая гуляць на працягу ўсяго матчу. А вось утрымаць гульнявую перавагу і замацаваць поспех першай паловы сустрэчы пакуль не ўдаецца. Будзем працаваць над гэтым, шукаць прычыны.

— Са штрафнога біў па браме?
— Вырашыў не падаваць, а менавіта прабіць па варотах. Куды планаваў, туды і трапіў. 

— Замена лепшага гульца сустрэчы выглядае нелагічнай. З чым звязаны твой сыход з поля? ​
— Я папрасіў замену сам. Па такой спякоце цяжка адпрацаваць якасна ўсе 90 хвілін. Станавілася ўсё цяжэй падтрымліваць тэмп гульні. Я падумаў, што свежы гулец прынясе камандзе больш карысці і папрасіў мяне замяніць.

Максім ЯБЛОНСКІ: Пачаў са страты мяча, але потым атрымалася прыйсці ў сябе

— Віншуем з дэбютным матчам у Вышэйшай Лізе. Твае адчуванні ад першага з'яўлення на такім высокім узроўні?​
— Для мяне гэта быў вельмі цяжкі выхад. У той момант каманда мела невялікую перавагу ў ліку, але страціла кантроль над мячом. У першую чаргу, мне трэба было згуляць без памылак у абароне, а пры выпадку бегчы ў контратаку. Пачаў з страты мяча, але потым атрымалася прыйсці ў сябе. З нагоды дэбюта перахваляваўся, а калі ён здараецца ў матчы такога напалу, то справіцца з эмоцыямі на першую пару цяжэй. Вельмі вялікая адказнасць, няма права на памылку. Удзячны трэнеру, што паверыў у мяне і выпусціў на поле. 

— Нягледзячы на ​​перамогу, ёсць пытанні па нашай гульні ў другім тайме. ​
— Каманда суперніка перабудавалася на гульню ў тры нападнікі, стала агрэсіўней прэсінгаваць тых, хто быў з мячом. Хоць і стараліся працягваць гуляць нізам, але значна часцей для выхаду даводзілася выкарыстоўваць доўгія перадачы. Думаю, што менавіта таму ў нас стала больш страт і памылак. 

— Можа быць, пасля першага тайма ў нас з'явілася ўпэўненасць у пераможным зыходзе сустрэчы? ​
— Нам трэнер з першага тура паўтарае аб поўнай канцэнтрацыі на працягу ўсіх 90 хвілін. На трэніроўках, перад кожнай гульнёй, у кожным перапынку гэтаму надаецца ўвага. Не думаю, што справа ў самаўпэўненасці. Справа ў суперніку, які адыграў другі тайм інакш.

БЕБЕ: Быў упэўнены, што сёння мы не дазволім суперніку забіць другі і зраўняць лік

— Што ты думаеш аб сённяшняй гульні? Аб першым і другім тайме ў выкананні нашай каманды?​
— Першае, што я хачу сказаць — з-за надвор'я сёння быў вельмі цяжкі дзень. Гэтая неверагодная спякота замінала камандам. У першым тайме мы паказалі наш характар, добра трымалі мяч, шмат атакавалі і спрабавалі забіць як мага больш. Для гэтага ў нас было шмат момантаў, аднак рэалізаваць змаглі толькі два з іх. Гэта футбол. У другім тайме стала значна цяжэй. Варта разумець, што Слуцк гуляў дома, і што гэта вельмі добрая каманда. На працягу ўсяго другога тайма яна спрабавала зраўняць лік, але мы адпрацавалі па-поўнай і былі мацнейшыя. 

Думаю, што сёння нам удалося перамагчы яшчэ і таму, што мы добра памятаем тое, што з намі здарылася ў мінулым туры, у матчы супраць Іслачы. Лепшым вынікам пасля гэтай нічыі для нас была толькі сённяшняя перамога. Мы заваявалі тры ачкі, і гэта вельмі важна. 

— Калі «Слуцку» атрымалася адзін мяч адквітаць, што ты падумаў у той момант? 
—  Што я падумаў? Імгненна праскочыла думка: «Слуцк» не заб'е нам другі мяч. І я скажу, чаму я так падумаў, чаму я быў у гэтым упэўнены. У мінулай гульні мы ў самым канцы сустрэчы ўпусцілі перамогу. На працягу ўсяго тыдня мы шмат гаварылі пра гэта, і мы ўсвядомілі сваю памылку. Сёння, калі мы апынуліся ў падобнай сітуацыі, я не баяўся за вынік. Я разумеў, што Слуцк будзе мець добрыя моманты, але я быў упэўнены, што сёння мы не дазволім суперніку забіць другі і зраўняць лік. Проста быў у гэтым цалкам упэўнены. Я верыў у сваю каманду, таму што ведаю, што мы ўсе адчувалі пасля мінулай гульні. 

— У наступным туры нам гуляць супраць «Дынама». Калі мы будзем у матчы з імі пасля перапынку гуляць так, як гулялі другія таймы супраць «Мінска», «Славіі», «Іслачы» и «Слуцка», то нам будзе складана разлічваць на станоўчы вынік у матчы.
— Пагаджуся, што «Дынама» — гэта каманда больш высокага ўзроўню. Для перамогі над такім супернікам трэба захоўваць канцэнтрацыю з першай да апошняй хвіліны сустрэчы. Я ўпэўнены, што калі мы будзем сканцэнтраваныя, у кожным эпізодзе з поўнай самааддачай біцца як у апошні раз, гуляць сэрцам за свой клуб, то мы абавязкова выйграем дома ў «Дынама».