Форма каманд: зялёныя майкі, жоўтыя трусы — сінія майкі і трусы.

НЁМАН — БАТЭ

Апошні раз наша каманда перамагала жоўта-сініх у чэмпіянаце 2013 года, прычым зрабіла гэта два разы. На першым этапе гродзенцы перайгралі БАТЭ 2:1, а пасля падзелу на шасцёркі 1:0. Абедзве сустрэчы былі згуляныя ў Гродне.

У мінулым чэмпіянаце наша каманда саступіла двойчы (0:1 дома. 0: 4 на выездзе).

У гэтым сезоне ў Барысаве БАТЭ пакуль непераможны, а вось на выездзе барысаўчане прайгралі ўжо двойчы. У гасцях падапечныя Ярмаковіча набралі 11 ачкоў з 21 магчымага (+3=2-2, мячы 14/06). Роўна столькі ж, колькі набрала ачкоў наша каманда. Абыграць Барысаў у сябе дома атрымалася «Слуцку» і «Віцебску». Прычым для перамогі ім аказалася дастаткова забіць у матчы за ўсё па 1 мячы. Таксама гублялі ачкі чэмпіёны ў Гомелі і Брэсце. Абодва нічыйных матчу завяршыліся з лікам 1:1.

Матчы БАТЭ ў гэтым сезоне: Гомель (госці) – 1:1 (аўтагол), Мінск (дома) – 1:0 (Рушэвіч), Дынама-Брэст (госці) – 1:1 (Гардзейчук), Крумкачы (госці) – 3:2 (Гардзейчук-пен, Радзівонаў, М.Валадзько), Шахцёр (дома) – 1:0 (Радзівонаў), Славія-Мазыр (госці) – 6:0 (Стасевіч – 2, Гардзейчук, Палякоў, Гвілія, аўтагол), Іслач (дома) – 2:0 (Гардзейчук, аўтагол), Слуцк (госці) – 0:1, Дынама-Мінск (дома) – 1:0 (Стасевіч), Віцебск (госці) – 0:1, Дняпро (дома) – 2:1 (Стасевіч, Гардзейчук), Нафтан (госці) – 3:0 (Валадзько, Гардзейчук, аўтагол), Тарпеда-БелАЗ (дома) – 0:0.

Апошні раз барысаўчане прапускалі мяч 4 чэрвеня, на 67-й хвіліне матчу супраць магілёўскага «Дняпра». Сухая серыя Шчарбіцкага доўжыцца ўжо 203 хвіліны.

Матчы «Нёмана»: Славія-Мазыр (дома) – 0:0, Іслач (госці) – 1:0 (Савіцкі), Слуцк (дома) – 2:1 (Лакціёнаў, Рудзік), Дынама-Мінск (госці) – 0:1, Віцебск (дома) – 1:4 (Лакціёнаў), Дняпро (госці) – 3:0 (Лакціёнаў, Савіцкі, Яроцкі), Нафтан (дома) – 2:1 (Жукоўскі, Савіцкі), Тарпеда-БелАЗ (госці) – 1:1 (Савіцкі), Крумкачы (дома) – 2:0 (Савіцкі), Гарадзея (госці) – 0:1, Гомель (госці) – 2:2 (Якімаў, Савіцкі), Мінск (дома) – 3:1 (Жукоўскі, Рудзік-2), Дынама-Брэст (госці) – 2:0 (Рудзік, Якімаў)

На сённяшні дзень каманды ў чэмпіянаце Беларусі згулялі 43 матча: + 5=8-30, рознасць мячоў 27-84.

У матчах чэмпіянату каманды ў гульнях паміж сабой гуляюць вынікова: 111 забітых мячоў (2,58 за гульню: 0,63 / 1,95).

У самым выніковым матчы двух каманд было забіта 8 мячоў. 22 жніўня 2015 года гродзенцы ў гасцях былі разгромленыя з лікам 1:7.

Подрабязна пра вынікі сустрэч «Нёман» — БАТЭ

• Вынікі галасавання

  «Нёман» — БАТЭ: прадкажы вынік сустрэчы

  • без сумневу «Нёман»
    72%
  • нічыйны вынік
    20%
  • перамога чэмпіёна
    8%

СУПЕРНІКІ Ў ЛІЧБАХ

Дадзеныя ўзятыя з справаздач InStat, размешчаных на сайце АБФФ

МЕСЦА І ЧАС

Матч 14-га тура Беларусбанк — чэмпіянату паміж камандамі «Нёман» — БАТЭ (Барысаў) адбудзецца ў нядзелю, 25 чэрвеня. Сустрэча адбудзецца ў Гродна на галоўнай арэне ЦСК «Нёман». Кошт квітка — 4 рублі (дзеці — 1,5 рубля). Пачатак сустрэчы ў 20:00. 

У ПАПЯРЭДНІМ МАТЧЫ

У папярэднім туры «Нёман» у гасцях перамог брэсцкае «Дынама» 2:0, а барысаўчане дома разышліся мірам з жодзінскім «Тарпеда-БелАЗ» 0:0. Так выглядалі склады ў папярэднім туры:

НЁМАН (4-2-3-1): Жураў – Бебе, Хвалько, Зубкоў, Абуна – Савасцьянаў, Рудзік – (к) Савіцкі (Анюкевіч, 89), Якімаў, Жукоўскі (Яроцкі, 76) – Хлебасолаў (Клімовіч, 70) . Запасныя: Курганскі – Лакціёнаў, Горбач, Верхаўцоў. Галоўны трэнер – І.Кавалевіч.

БАТЭ (4-3-3-1): Шчарбіцкі – Рыас, Палякоў, Мілуновіч, Валадзько М. – Валадзько А. (Яблонскі, 74), Кендыш, Бярозкін (Туомінен, 80), (к) Стасевіч – Іваніч (Рушэвіч, 63). Запасныя: Верамко – Шкурдзюк, Мухамедаў, Джыгеро. Галоўны трэнер – А.Ермаковіч.

СУДЗЕЙСКАЯ БРЫГАДА

Галоўны суддзя: Аляксей Кульбакоў (Гомель).
Памочнікі суддзі: Дзяніс Емяльянчык (Гомель) і Антон Палуянаў (Мазыр).
Рэзервовы суддзя: Павел Руденкоў (Гомель).
Інспектар матчу: Генадзь Якубоўскі (Мінск).

Аляксей Кульбакоў ў якасці галоўнага арбітра сустрэчы дэбютаваў у Вышэйшай Лізе ў 2003 годзе. За гэты час у ролі галоўнага суддзі адпрацаваў у 210 матчах. Статыстыка арбітра ў лізе: 721 папярэджанне, 36 выдаленняў (24 прамых) і 33 прызначаных пенальці.

34 разы судзіў матчы з удзелам гродзенскага клуба: +12=15-17, розніца мячоў 43-49. У гэтых матчах паказаў 129 жоўтых (53 гульцам «Нёмана» / 76 гульцам праціўніка), 5 чырвоных (3/2) і прызначыў 7 адзінаццаціметровых удараў (4 разы білі гульцы «Нёмана» / 3 разы гульцы праціўніка). Працэнт набраных гродзенцамі ў гэтых матчах ачкоў (зыходзячы з 3 ачкоў за перамогу): 40,2%.

Матчы «Нёман» – БАТЭ судзіў 2 разы. У 2013 годзе гродзенцы ў гульні чэмпіянату ў гасцях саступілі 0:1, а ў 2014 у Кубку дома ў дадатковы час абыгралі барысаўчан 2:1.

У гэтым сезоне па два разы працаваў на матчах абодвух супернікаў. Пры Кульбакове барысаўчане ў гасцях разышліся мірам з брэсцкім «Дынама» 1:1, а затым дома перайгралі мінскіх дынамаўцаў 1:0. Гродзенцы ў гасцях перайгралі «Іслач» 1:0, а вось дома саступілі «Віцебску» 1:4.

СКЛАД СУПЕРНІКА

Галоўны трэнер каманды: Аляксандр Ермаковіч (21.01.1975). Каманду ўзначаліў 13 кастрычніка 2013 года.

У прадстаўленай ніжэй заяўцы на сезон значацца 26 футбалістаў. Толькі 5 з іх з'яўляюцца навтчкамі клуба, папоўнілі рады каманды ў міжсезонне (працэнт абнаўлення складу - 19,23%; 5 з 26).

З тых, хто выступаў за клуб у мінулым годзе, каманду пакінулі 6 гульцоў: брамнік Арцём Сарока, абаронца Віталь Гайдучык, паўабаронцы Аляксандр Глеб і Эдгар Аляхновіч, нападнікі Дзмітрый Анцілеўскі і Мікалай Сігневіч.

Замежны легіён барысаўскага клуба складаюць 8 гульцоў: чатыры серба (Астоіч, Мілуновіч, Іваніч і Рашэвіч), эстонец (Пікк), латыш (Дубра), фін (Туомінен) і грузін (Гвілія).

Навічкі каманды (Чычкан, Астоіч, Бярозкін, Рашэвіч, Туомінен) на ўсіх правялі ўсяго 1407 хвілін гульнявога часу з 12 870, што адлюстроўвае фактычнае абнаўленне складу ў параўнанні з мінулым сезонам, якое складае 10,93%. Менавіта столькі гульнявога часу прыпадае на тых, хто прыйшоў у каманду гульцоў.

Для нагляднасці прывядзем статыстыку навічкоў гродзенскага клуба: 6384 хвілін з 12 870, што складае 49,60% гульнявога часу каманды. 

Адзіным гульцом які выступаў раней за гродзенскі клуб у складзе барысаўчан з'яўляецца Сяргей Верамко (2006-07; 36 гульняў / 29 прапушчаных мячоў).

Поўная статыстыка гульцоў каманды «Нёман» (закладка «Статыстыка»)

• Вынікі галасавання

  Назаві лепшага гульца «Нёмана» у матчы супраць БАТЭ

  • Жураў Уладзімір
    1%
  • Пол Ралан Бебе Кінге
    9%
  • Хвалько Ягор
    10%
  • Зубкоў Руслан
    11%
  • Абуна Ндзана Жан-Патрык
    5%
  • Савасцьянаў Яўген
    2%
  • Рудзік Філіп
    17%
  • Савіцкі Павел
    7%
  • Якімаў Андрэй
    20%
  • Жукоўскі Валерый
    3%
  • Хлебасолаў Дзмітрый
    3%
  • Яроцкі Яраслаў
    8%
  • Лакціёнаў Раман
    2%