Форма каманд: белыя майкі і трусы — зялёныя майкі, жоўтыя трусы.

ДЫНАМА-БРЭСТ — НЁМАН 

Тэкставая трансляцыя матча: http://telegra.ph/Dinamo-Brest--Neman-06-21

Апошнімі ў 13-ым туры чэмпіянату на поле выйдуць дзве заходнія каманды краіны. Гродзенскі «Нёман» згуляе ў гасцях у новаспечанага ўладальніка Кубка Беларусі брэсцкага «Дынама». Абедзве каманды бяруць удзел у чэмпіянаце краіны з моманту яго заснавання, правёўшы паміж сабой ужо 55 сустрэч. У гэтым суверэнным супрацьстаянні дзвюх каманд перавага на баку нашай каманды. За гэты час гродзенцы трымалі 23 перамогі, у той час як берасцейцы маюць у сваім актыве 18 пераможных матчаў.

Апошні раз наша каманда перамагала бела-сініх ў чэмпіянаце 2015 года (3:1 у гасцях, 2:1 дома), а ў мінулым сезоне абодва матчы завяршыліся на карысць суперніка (0:2 у гасцях, 0:4 дома). 

Зрабіўшыя шмат гучных заяў перад пачаткам чэмпіянату дынамаўцаў пакуль ліхаманіць. Выдатныя хатнія матчы змяняюцца правальнымі выязнымі. Калі дома каманда набрала 11 ачкоў з 15 магчымых (+3=2-0, мячы 8-2), то на выездзе падапечныя Жураўля абзавяліся толькі 3 з 21. Нічыю з Брэста ўдалося павезці толькі БАТЭ і «Слуцку», астатнія з'ехалі дадому з пустымі рукамі.

Матчы «Дынама-Брэст» у цяперашнім сезоне: Мінск (госці) – 2:2 (Мазалеўскі, Букаткін), Крумкачы (госці) – 1:1 (Лягчылін), БАТЭ (дома) – 1:1 (Фамейе), Шахцёр (госці) – 0:3, Славія-Мазыр (дома) – 3:1 (Чыж – 2, Фамейе), Іслач (госці) – 1:3 (Торэс), Слуцк (дома) – 0:0, Дынама-Мінск (госці) – 0:1, Віцебск (дома) – 2:0 (Афоаква, Асучукву), Дняпро (госці) – 0:1, Нафтан (дома) – 2:0 (Торэс – 2), Тарпеда-БелАЗ (госці) – 1:1 (Торэс).

Апошні раз дома берасцейцы прапусцілі мяч 30 красавіка, на 80-й хвіліне матчу супраць мазырскай «Славіі». З тых часоў Малерб на брэсцкім стадыёне застаецца «сухім», а яго хатняя серыя доўжыцца ўжо 280 хвілін.

Матчы «Нёмана»: Славія-Мазыр (дома) – 0:0, Іслач (госці) – 1:0 (Савіцкі), Слуцк (дома) – 2:1 (Лакціёнаў, Рудзік), Дынама-Мінск (госці) – 0:1, Віцебск (дома) – 1:4 (Лакціёнаў), Дняпро (госці) – 3:0 (Лакціёнаў, Савіцкі, Яроцкі), Нафтан (дома) – 2:1 (Жукоўскі, Савіцкі), Тарпеда-БелАЗ (госці) – 1:1 (Савіцкі), Крумкачы (дома) – 2:0 (Савіцкі), Гарадзея (госці) – 0:1, Гомель (госці) – 2:2 (Якімаў, Савіцкі), Мінск (дома) – 3:1 (Жукоўскі, Рудзік-2).

У матчах чэмпіянату каманды ў гульнях паміж сабой гуляюць даволі вынікова, забіваючы за матч на дваіх больш двух галоў. У 55 сустрэчах каманды па 64 разы паразілі браму адзін аднаго, што ў сярэднім складае 2,33 мяча за адну гульню.

4 разы каманды забівалі за матч на дваіх 5 мячоў. Тры разы гродзенцы прайгравалі (2:3 – у 1995 годзе, 1:4 – у 2005 годзе, 2:3 – у 2011), адзін раз перамагалі (4:1 – у 1997).

На сённяшні дзень каманды ў чэмпіянаце Беларусі згулялі 55 матчаў: +23= 4-18, рознасць мячоў 64-64.

Подрабязна пра вынікі сустрэч «Нёман» — «Дынама-Брэст»

• Вынікі галасавання

  «Дынама-Брэст» — «Нёман»: прадкажы вынік сустрэчы

  • перамога «Дынама»
    9%
  • адзін бал кожнаму
    20%
  • перамога «Нёмана»
    71%

СУПЕРНІКІ Ў ЛІЧБАХ

Дадзеныя ўзятыя з справаздач InStat, размешчаных на сайце АБФФ

МЕСЦА І ЧАС

Матч 13-га тура Беларусбанк – чэмпіянату паміж камандамі «Дынама-Брэст» – «Нёман» адбудзецца ў сераду, 21 чэрвеня. Сустрэча адбудзецца ў Брэсце на галоўнай арэне АСК «Брэсцкі». Кошт квітка – ад 4 да 5 рублёў (дзеці – 3 рублі). Пачатак сустрэчы ў 20:00.

У ПАПЯРЭДНІМ МАТЧЫ

У папярэднім туры «Нёман» дома перайграў сталічны «Мінск» 3:1, а брэсцкае «Дынама» ў гасцях згуляла ўнічыю з жодзінскім «Тарпеда-БелАЗ» 1:1. Так выглядалі склады ў папярэднім туры:

НЁМАН (4-2-3-1): Жураў – Бебе, Хвалько, Зубкоў, Абуна – Якімаў, Савасцьянаў (Верхаўцоў, 84) – (к) Савіцкі, Рудзік, Жукоўскі (Клімовіч, 60) – Канцавы (Лакціёнаў, 63) . Запасныя: Курганскі – Анюкевіч, Горбач, Хлебасолаў. Галоўны трэнер – І.Кавалевіч.

ДЫНАМА (4-2-3-1): Малерб – Алісейка, Лебедзеў, Барысаў, Вітус – (к) Букаткін, Асучукву – Чыж (Докаль, 66), Торэс (Васілюк, 90), Афоаква (Мазалеўскі, 51) – Фамейе . Запасныя: Хвін - Іваноў, Дземешка, Кірыленка. Галоўны трэнер – У.Журавель.

СУДЗЕЙСКАЯ БРЫГАДА

Галоўны суддзя: Віктар Шымусік (Асіповічы).
Памочнікі суддзі: Антон Гусеў (Мінск) і Аляксандр Вашкевіч (Маладзечна).
Рэзервовы суддзя: Ілля Ляшук (Узда).
Інспектар матчу: Юрый Дупанаў (Мінск).

Віктар Шымусік ў якасці галоўнага арбітра сустрэчы дэбютаваў у Вышэйшай Лізе ў 2014 годзе. За гэты час у ролі галоўнага суддзі адпрацаваў у 38 матчах. Статыстыка арбітра ў лізе: 131 папярэджанне, 9 выдаленняў (3 прамых) і 9 прызначаных пенальці.

5 разы судзіў матчы з удзелам гродзенскага клуба: +1=1-3, розніца мячоў 6-8. У гэтых матчах паказаў 19 жоўтых (14 гульцам «Нёмана» / 5 гульцам праціўніка) і прызначыў 2 адзінаццаціметроваых ўдара (1/1). Працэнт набраных гродзенцамі ў гэтых матчах ачкоў (зыходзячы з 3 ачкоў за перамогу): 26,67%.

У гэтым сезоне судзіў адзін раз берасцейцаў. «Дынама» ў гасцях саступіла «Іслачы» 1:3. Апошні раз працаваў на матчы гродзенцаў 6 лістапада 2016 года, калі жоўта-зялёныя дома прайгралі менскаму «Дынама» з лікам 2: 3.

СКЛАД СУПЕРНІКА

Галоўны трэнер каманды: Уладзімір Журавель (09.061971). Каманду ўзначаліў 5 снежня 2016 года, адразу ж пасля таго, як стаў з «Гомелем» пераможцам Першай Лігі і вярнуў каманду ў наймацнейшы дывізіён.

У прадстаўленай ніжэй заяўцы на сезон значацца 27 футбалістаў. 14 з іх у мінулым сезоне працавалі ў структуры клуба, 13 гульцоў папоўнілі шэрагі ў зімовы міжсезонне (працэнт абнаўлення складу – 48,14%; 13 з 27).

З леташняга складу клуб пакінулі 11 гульцоў: брамнік Дзмітрый Аснін, абаронцы Арцём Татарэвіч, Павел Назаранка і Ігар Тымонюк, паўабаронцы Барыс Каневега, Аляксандр Новік, Сымон Огар, Вадзім Пабудзей і завяршыў кар'еру Андрэй Цэван, нападнікі Амаду Латыф і Джахонгір Эргашев.

Замежны легіён сталічнага клуба складаецца з 10 гульцоў: трох Ганц (Бабаво, Фамейе і Афоаква), двух французаў (Малерб і Этундзі), іспанца (Докаль), нігерыйца (Асучукву), румына (Аврамія), ивуарийца (Куяте) і румына (Аврамія). Цікава, што ў заяўцы берасцейцаў няма ніводнага прадстаўніка з былых саюзных рэспублік.

Навічкі каманды (Хвін, Малерб, Лебедзеў, Докаль, Вітус, Алісейка, Барысаў, Бабаво, Лягчылін, Этундзі, Асучукву, Мазалеўскі і Кірыленка) на ўсіх правялі 5873 хвіліны гульнявога часу з 11 880, што адлюстроўвае фактычнае абнаўленне складу ў параўнанні з мінулым сезонам , якое складае 49,43%. Менавіта столькі гульнявога часу прыпадае на тых, хто прыйшоў у каманду гульцоў.

Для нагляднасці прывядзем статыстыку навічкоў гродзенскага клуба: 5880 хвілін з 11 880, што складае 49,49% гульнявога часу каманды.

У складзе берасцейцаў ёсць 4 гульца, якія раней выступалі за гродзенскі клуб: Раман Васілюк (2016; 13 гульняў / 3 гола), Дзмітрый Алісейка (2013; 15 гульняў), Максім Вітус (2012-2014; 79 гульняў / 3 гола) і Аляксей Лягчылін (2009-2015; 101 гульня / 7 галоў).

Поўная статыстыка гульцоў каманды «Нёман» (закладка «Статыстыка»)

• Вынікі галасавання

  Назаві лепшага гульца «Нёмана» у матчы супраць «Дынама-Брэст»

  • Жураў Уладзімір
    11%
  • Пол Ралан Бебе Кінге
    7%
  • Хвалько Ягор
    5%
  • Зубкоў Руслан
    2%
  • Абуна Ндзана Жан-Патрык
    5%
  • Савасцьянаў Яўген
    6%
  • Якімаў Андрэй
    17%
  • Савіцкі Павел
    4%
  • Рудзік Філіп
    33%
  • Жукоўскі Валерый
    4%
  • Хлебасолаў Дзмітрый
    4%
  • Клімовіч Уладзіслаў
    1%