Форма каманд: зялёныя майкі, жоўтыя трусы — цёмна-сінія майкі і трусы.

МЕСЦА І ЧАС

Матч 8-га тура «Нёман» – «Нафтан» (Наваполацк) пройдзе ў чацвер у Гродна на стадыёне ЦСК «Нёман». Кошт квітка – 4 рублі (дзіцячы – 1,5 рублі). Пачатак сустрэчы ў 19:00. 

НЁМАН — НАФТАН

Нягледзячы на ​​тое, што наваполацкі «Нафтан» едзе да нас у ролі яўнага аўтсайдэра, лёгкай гульні ад гэтай сустрэчы ніхто не чакае. Амаль ва ўсіх папярэдніх матчах першынства навапалачане далі суперніку бой. Тры матчы прайграныя ў адзін мяч, адзін раз каманда згуляла ўнічыю, два разы была разгромлена. Не дзіва, што з такімі вынікамі пасля шасці тураў каманда Алега Сідарэнкава трывала абгрунтавалася на апошнім месцы.

Матчы «Нафтана» у цяперашнім сезоне: Нафтан – Слуцк – 0:1 (88), Дынама-Мінск – Нафтан – 1:0 (79), Нафтан – Віцебск – 0:0, Дняпро – Нафтан – 4:0 (12, 16, 45, 86), Нафтан – Крумкачы ​​– 0:3 (59, 67, 79), Тарпеда-БелАЗ – Нафтан – 1:0 (87)

За шэсць матчаў гульцы «Нафтана» прапусцілі 10 мячоў, пры гэтым ні разу не ўразілі браму сваіх супернікаў. Калі ж улічыць, што чэмпіянат нафтавікі пачыналі з мінус пяці ачкоў, то хмары, навіслыя над Наваполацкам, выглядаюць куды цямней.

У мінулым сезоне жоўта-зялёныя прайгралі навапалачанам абодва матчы. У апошнім туры першага круга гродзенцы ў гасцях саступілі 0:2, а ў апошнім туры чэмпіянату прайгралі 0:1, прапусціўшы мяч на апошніх хвілінах асноўнага часу матчу. Неяк так атрымліваецца, што ўдалыя сезоны супрацьстаяння з «Нафтанам», чаргуюцца з няўдалымі. Такая тэндэнцыя назіраецца з 2010 года, калі гродзенцы ў матчах з наваполацкай камандай ўзялі 1 ачко з 9, у 2011 год – 9 з 9, а калі ўлічваць дзве гульні на Кубак, то 13 з 15. У 2012 – 3 з 9, у 2013 – 4 з 6, у 2014 – 0 з 6, у 2015 – 6 з 6, у 2016 – 0 з 6. Калі прытрымлівацца гэтай заканамернасці, то перажываць за зыход заўтрашняга паядынку няма ніякай неабходнасці.

У матчах двух каманд забіваецца досыць шмат мячоў. У папярэдніх 43 гульнях супернікі на дваіх 122 разы паразілі браму адзін аднаго, што складае ў сярэднім 2,84 мяча за гульню. Самы выніковы матч гэтых клубаў адбыўся 29 верасня 2000 году ў Гродна. 3500 гродзенскіх заўзятараў сталі сведкамі буйной перамогі, а таксама былі сведкамі рэдкй у футболе падзеі – пяці забітых адным гульцом мячоў. У той дзень пентатрык на свой рахунак аформіў Аляксей Дзенісеня.

На сённяшні дзень каманды ў чэмпіянаце Беларусі згулялі 43 матча: +18=4-21, рознасць мячоў 58-64. 

Подрабязна пра вынікі матчаў «Нёман» — «Нафтан»

• Вынікі галасавання

  «Нёман» — «Нафтан»: прадкажы вынік сустрэчы

  • перамога за Гродна
    87%
  • па аднаму ачку
    5%
  • тры ачкі Наваполацку
    7%

ІНФО

- дома «Нёман» у два разы часцей абыгрывае «Нафтан» (61,9% выйграных матчаў): +13=2-6, рознасць мячоў 39-21;

- апошняя перамога дома зафіксавана 17 чэрвеня 2015 года (3:1);

- у мінулым сезоне гродзенцы двойчы саступілі наваполацкаму «Нафтану»: у гасцях наша каманда саступіла 0:2, дома - 0:1;

- лепшым бамбардзірам супрацьстаяння з'яўляецца Сяргей Давыдаў, які восем разоў пабіваў браму наваполацкага клуба;

- апошні гол у браму наваполацкай каманды забіў Арцём Канцавы;

- лазарэт гродзенскай каманды выглядае ўсё яшчэ вялікім: Зубкоў, Бебе, Лешка і Верхаўцоў трэніруюцца па індывідуальнай праграме, Курганскі і Савасцьянаў ходзяць на працэдуры. Да Горбача і Канцавога, якія ў мінулым туры ўжо выходзілі на замену, дадаўся Яблонскі. Максім трэніруецца ў агульнай групе;

- дыскваліфікаваных гульцоў у камандах няма.

У ПАПЯРЭДНІМ МАТЧЫ

У папярэднім туры «Нёман» у гасцях перайграў «Дняпро» з лікам 3:0, а «Нафтан» дома саступіў жодзінскаму «Тарпеда-БелАЗ» 0:1. Так выглядалі склады каманд тыднем раней:

НЁМАН (4-2-3-1): Жураў– Абуна, Кантарыя, Хвалько, Анюкевіч – Якімаў (Горбач, 89), Рудзік - (к) Савіцкі, Клімовіч, Жукоўскі (Яроцкі, 70) – Лакціёнаў (Канцавы, 73). Запасныя: Шышлоў – Кавалёнак, Хлебасолаў, Бомбель. Галоўны трэнер – І.Кавалевіч.

НАФТАН (): Аснін – Гарбачоў, Лісіца, Маркавіч, Шкурко – Лавал, Марахоўскі (Волкаў, 46), Богуноў (Белікаў, 81), (к) Сучкоў, Казлоў, Лепскі (Цевераў, 61). Запасныя: Камінскі, Штыгель, Калінін, Цеплоў. Галоўны трэнер – А.Сідарэнкаў.

СУДЗЕЙСКАЯ БРЫГАДА

Гэтая сустрэча стане для менчука Яўгена Навумава трэцяй у Вышэйшай Лізе. Дэбютаваў 24-гадовы арбітр ў матчах першага дывізіёна 27 чэрвеня 2016 года ў матчы «Мінск» – «КрумкачЫ», які скончыўся перамогай гаспадароў 1:0. У гэтым сезоне малады суддзя правёў ўжо 4 матчы, праўда ў мацнейшым дывізіёне адпрацаваў толькі на матчы «Іслач» – «Гомель». Гэтая сустрэча скончылася мінімальнай перамогай гасцей 0:1. У двух гэтых сустрэчах мінчанін паказаў гульцам 5 жоўтых картак.

Галоўны суддзя: Яўген Наўмаў (Мінск).
Памочнікі суддзі: Сяргей Цеслюк (Гомель) і Дзяніс Емельянчыкаў (Гомель).
Рэзервовы суддзя: Уладзіслаў Галадухін (Брэст).
Інспектар матча: Валерый Пятровіч (Мінск).

Матч дублюючых складаў будзе судзіць берасцеец Уладзіслаў Галадухін. Дапамагаць яму будуць гродзенцы Аляксандр Саваш і Ігар Марашан.

СКЛАД СУПЕРНІКА

Галоўны трэнер каманды: Алег Анатольевіч Сідарэнкаў (13.06.1976).

У прадстаўленай ніжэй заяўцы на сезон значацца 23 футбаліста. 7 з іх выступалі за «Нафтан» у мінулым сезоне, а 16 прыйшлі ў каманду пасля зімовага перапынку. Руслан Цевераў пасля першага круга сыходзіў у салігорскі «Шахцёр», але пасля заканчэння сезона вярнуўся назад. Таму мы яго пакінулі ў ліку тых, хто ў мінулым сезоне выступаў за наваполацкі клуб. Зыходзячы з гэтага вылічым прыкладны адсотак абнаўленне каманды: 69,57% (16 з 23).

15 гульцоў з леташняга складу пакінула клуб: Яўген Бярозкін (п), Дзмітрый Барысаў (а), Руслан Гунчак (а), Ігар Даўгяла (б), Ігар Зюлеў (п), Ягор Кліменчук (п), Мікіта Каляеў (н), Сяргей Кандрацьеў (з), Мікіта Шугункоў (н), Аляксандр Кравецкі (н), Яўген Лебедзеў (н), Раман Сцяпанаў (б), Ігар Трухаў (п), Алег Шкабара (п), Андрэй Якімаў (п).

Навічкі каманды (Камінскі, Аснін, Марахоўскі, Лісіца, Казлоў, Волкаў, Маркавіч, Штыгель, Белікаў, Багуноў, Калінін, Шкурко і Лепскі) на ўсіх правялі 4192 хвіліны гульнявога часу з 5940, што адлюстроўвае фактычнае абнаўленне складу, якое роўна 70,57 %. Менавіта столькі гульнявога часу прыпадае на тых, хто прыйшоў у каманду гульцоў.

Для нагляднасці прывядзем статыстыку навічкоў гродзенскага клуба: 3088 хвілін з 5940, што складае 51,99% гульнявога часу каманды.

Замежны легіён наваполацкага клуба налічвае 9 чалавек: 4 расіяніна (Белікаў, Лепскі, Антанян і Марахоўскі), тры ўкраінца (Маркавіч, Багуноў і Шкурко), адзін нігерыец (Лавал) і адзін камерунец (Юіке). Марахоўскі, Лавал і Шкурко легіянерамі не з'яўляюцца, а Юіке і Антанян гулялі пакуль толькі за дублюючы склад.

Тры гульца з складу суперніка раней выступалі за гродзенскі клуб: Аляксей Сучкоў (1999; 2001-02; 2009; 2011-12 / 105 гульняў, 5 галоў), Ігар Лісіца (2007-08; 2015 / 44 гульні, 1 гол) і Андрэй Штыгель (2015 / 3 гульні).

Поўная статыстыка гульцоў каманды «Нёман» (закладка «Статыстыка»)

ФОТАЗДЫМКІ

Алег СІДАРЭНКАЎ (галоўны трэнер «Нафтана»):

— Каментаваць цяжка, пакуль яшчэ не адышоў ад гульні. Па гарачых слядах, што можна сказаць — каб на нешта прэтэндаваць у гульні з любым праціўнікам, трэба з першай і да апошняй хвіліны, кожны эпізод, кожную мікрадуэль, дапрацоўваць і дагульваць да канца. Так, атрымалася сёння спыніць тую серыю доўгую, забілі гол, ўзрадаваліся — усё добра. Але хутка прапусцілі. Псіхалогія такая рэч: у галаве трымалі, што забілі гол, чапляліся за вынік. У прынцыпе, многае атрымлівалася, стваралі яшчэ моманты, але падвяла наша старая хвароба — рэалізацыя. У моманце з другім голам занадта важна згулялі ў моманце, пасля якога супернік правёў узорную контратаку і 1:2. Дадаць тут няма чаго, суперніка віншую з перамогай. Яны гулялі да канца. Ну а мы, на жаль, пацярпелі чарговую паразу.

— За апошнія два тыдні нейкія зрухі ў фінансавым плане намеціліся?

— Усё па-ранейшаму, усё без змен. Чакаем гэтых пераменаў, чакаем лепшых часоў. Бясконца звінець на гэтую тэму таксама надакучвае. Ёсць футбольнае поле, на якім многае трэба паказваць і даказваць. Гэтае пытанне, фінансавае, непасрэдна не мае. Я адказваю за тое, што адбываецца на футбольным полі.

Ігар КАВАЛЕВІЧ (галоўны трэнер «Нёмана»):

— Невыразны быў першы тайм у нашым выкананні. Прычыны мы знойдзем унутры каманды. Мы пачалі матч з вялікіх памылак у абароне, якіх было вельмі шмат. Мы не маглі зрабіць першую перадачу – супернік накрываў. Перад гульнёй з вялікай павагай паставіліся да «Нафтану». Я сем гадоў аддаў свайго футбольнага жыцця гэтай камандзе. Яна заўсёды была байцовай, мужчынскай. Што сёння каманда і прадэманстравала. За гэта ім вялікі рэспект. У гэтай сітуацыі без фінансаў людзі проста б'юцца і б'юцца на полі. Там нічога не змянілася. Я проста задаволены, што мы выцягнулі матч. Гульня забываецца, а вынік застаецца.

Хачу сказаць, што ні ў маю бытнасць, ні пасля, такога гродзенскага поля не бачыў ніхто. Каму прад'явіць прэтэнзіі, я не ведаю. Кажуць, што ў Наваполацку стадыён дрэнны. Можа там менавіта стадыён дрэнны, але гуляюць на полі. Наша поле ў пачварным стане. Каманда, якая хоча валодаць ініцыятывай, хоча ствараць моманты, але няма магчымасці спыніць мяч... Мы гулялі ў Магілёве, ці гулялі на штучным полі ў Мінску – люба-дорага, мы гулялі ў адно-два дотыкі. Не хачу кідаць камень ні ў чый агарод, але гуляць на такім полі ў нейкі камбінацыйны футбол, на жаль, не ўяўляецца магчымым. На такім полі можна гуляць, у прынцыпе, нават з «Барселонай» – трэба проста біць наперад, бо зрабіць перадачу цяжка. Яшчэ раз віншую з перамогай маю каманду.

— Як і ў мінулы раз, вы павіншавалі з перамогай сваю каманду. А чаму вы не віншуеце з перамогай заўзятараў?

— Заўзятараў мы віншуем заўсёды. Калі трэба, каб гэтыя словы прагучалі на прэс-канферэнцыі, то вядома я віншую з гэтай перамогай і заўзятараў. Скажу, што нам вельмі прыемна было гуляць у Магілёве.

Думаю, што гродзенских заўзятараў, сапраўдных фанатаў, віншаваць не трэба. Вы ведаеце, што мы заўсёды да вас з усёй душой, заўсёды з вамі ва ўсіх сітуацыях. Паверце, гэта шчырыя словы. Каманда ведае ў твар сваіх сапраўдных заўзятараў, а таксама ведае не вельмі праўдзівых. Таму калі я нешта не дадаў, вы мяне за гэта прабачце. Мы заўсёды можам выслухаць любую крытыку, заўсёды адкрыты, не хаваемся і можам адказаць на ўсе вашы пытанні, як у сітуацыі з выйгрышам, так і ў сітуацыі з пройгрышам. Я разумею, што ёсць тут людзі незадаволеныя і сумныя. Ну, нічога страшнага. Страшнага нічога не адбылося – мы выйгралі. Дрэнна для каманды, калі прайграем 4:1, а людзі тут радуюцца. Вось гэта дрэнна. А так, мы ідзем паступальна. Каб вы правільна разумелі, у нас зусім новая каманда. У параўнанні з мінулым годам у асноўным складзе гуляе шэсць новых чалавек. Каб стабілізаваць склад нам трэба час. Ад гэтага мы нікуды не падзенемся. Таму мы адчуваем пэўныя цяжкасці і сітуацыя складваецца хвалепадобна. Яе проста трэба выраўнаваць. Мы дастаткова моцныя людзі, я досыць моцны чалавек, каб вытрымаць усе ўдары. Мы сапраўды моцная каманда. Тут усё супакоіцца і будзе так, як будзе гуляць Гродна. Усім жадаю здароўя і дабра. Хто моцна знерваваўся, няхай не хвалюецца.

— Пакуль хвалявацца няма чаго – ачкі набіраем і гэта галоўнае.

— Тут сітуацыя такая: «Дынама-Мінск» набірае ачкі, але кажуць, што дрэнная гульня. Гуляе і не набірае ачкі – кажуць, што галоўнае ачкінабіраць. Усё залежыць ад падыходу да каманды.

— Якія тэрміны аднаўлення Верхаўцова​?

— У яго вельмі непрыемная траўма была, але ён ужо рвецца ў бой. У такой сітуацыі лепш яго прытрымаць, чым выпусціць і пагоршыць. Гэта вельмі кваліфікаваны гулец, мы на яго вельмі спадзяемся. На жаль, у нас такая сітуацыя, што людзі атрымалі траўму на трэніроўках у барацьбе адзін з адным. Нам трэба проста час, каб мы не нашкодзілі.

ВІДЭА