За гонар краіны Вярнуцца да спісу
Адборачны турнір чэмпіянату свету 2018 года зноў прыпыніў правядзенне ўнутраных спаборніцтваў. Ужо заўтра наша нацыянальная зборная згуляе з Люксембургам (24:45), а 3 верасня дома правядзе матч са шведамі (19:00). У галоўную зборную краіны выкліканы капітан гродзенскага «Нёмана» Павел Савіцкі.
U21
Акрамя таго, у першы дзень восені стартуе адборачны турнір Чэмпіянату Еўропы 2019 сярод моладзевых зборных. Беларуская маладзёжка пачне турнір хатнім матчам супраць Грэцыі 1 верасня (19:00), а 5 верасня згуляе на выездзе супраць Чэхіі (19:00). У канчатковым спісе Людаса Румбуціса прысутнічае адразу 3 гульца нашага клуба: брамнік Максім Шышлоў, абаронца Ягор Хвалько і паўабаронца Уладзіслаў Клімовіч.
За моладзевую зборную Грузіі можа дэбютаваць Гіоргі Кантарыя. Галоўны трэнер грузінскай маладзёжкі Гія Гегучадзе вызначыўся з канчатковым складам, у якім знайшлося месца нашаму абаронцу. 1 верасня грузіны стартуюць у адборачным турніры хатнім матчам супраць моладзевай зборнай Польшчы.
U19
Юніёрская зборная Беларусі на пачатку верасня правядзе два таварыскія матчы з аднагодкамі з Эстоніі. Абодва матчы пройдуць у Мінску на стадыёне САК «Алімпійскі» – 2 верасня (17:00) і 4 верасня (13:00). Галоўны трэнер зборнай Раман Кірэнкін выклікаў на збор чатырох прадстаўнікоў жоўта-зялёных. На матчы ў Мінск адправіліся абаронца Мікіта Бяценя, а таксама тры паўабаронцы – Максім Мякіш, Раман Вягера і Яўген Сакута.
Жадаем поспеху нашым хлопцам!
