Кантарыя ў пашыраным спісе Вярнуцца да спісу
Абаронца жоўта-зялёных Гіоргі Кантарыя трапіў у пашыраны спіс моладзевай зборнай Грузіі, якая ў пачатку верасня стартуе ў новым адборачным цыкле першынства Еўропы сярод моладзевых каманд.
Учора галоўны трэнер грузінскай маладзёжкі Гія Гегучадзе абвясціў папярэдні склад з 30 футбалістаў, якія могуць быць выкліканыя на першы адборачны матч. 1 верасня грузіны згуляюць супраць моладзевай зборнай Польшчы.
Па выніках лёсавання кантынентальнага першынства зборная Грузіі трапіла ў трэцюю адборачную групу, дзе яе супернікамі, акрамя палякаў, будуць зборныя каманды Фарэрскіх выспаў, Літвы, Даніі і Фінляндыі.
