Прайгралі ізраільцянам Вярнуцца да спісу
Юніёрская зборная Беларусі U-19 правяла два таварыскія матчы з аднагодкамі з Ізраілю. Нягледзячы на тое, што беларусы абодва разы саступіла гаспадарам, каманда Рамана Кірэнкіна паказала даволі няўступлівы характар. У першай сустрэчы, якая прайшла 8 жніўня на поле трэніровачнага комплексу нацыянальнай зборнай Ізраіля, адзіны мяч гаспадары забілі на 39-й хвіліне сустрэчы. Праз два дні беларусы прайгралі 1:2. Ужо ў самым пачатку сустрэчы ў браму нашай каманды быў прызначаны адзінаццаціметровы ўдар, які паспяхова рэалізаваў Ярден Шуа, які забіў адзіны мяч у першай сустрэчы каманд. Праз 17 хвілін нашы юніёры лік зраўнялі - з штрафнога вызначыўся Павел Горбач, аднак нічыйны вынік зберагчы не ўдалося. У дададзены арбітрам час ізраільцяне забілі другі мяч і перайгралі беларусаў у другі раз.
Усе тры нашы прадстаўніка прынялі ўдзел у матчах супраць Ізраіля. Больш за ўсіх часу правёў на поле Максім Мякіш, які сыграў паўтара матчу. Абаронца Мікіта Бяценя адыграў першы матч цалкам, а ў другім матчы ў перапынку сустрэчы быў заменены, а Раман Вегеря адыграў другі тайм другога матча.
Зборная Беларусі, складзеная з футбалістаў не старэйшых за 1999 года нараджэння, рыхтуецца да старту ў кваліфікацыі чэмпіянату Еўропы УЕФА U-19 сезону 2017/2018. У першым раўндзе, які пройдзе ў Польшчы з 7 па 13 кастрычніка, наша каманда згуляе супраць Германіі, Польшчы і Паўночнай Ірландыі. Пуцёўкі ў элітны раўнд атрымаюць дзве лепшыя каманды групы.
Наступны раз каманда збярэцца на пачатку верасня і правядзе два таварыскія матчы супраць юніёрскай зборнай Эстоніі.
