Наступны супернік у кубку Вярнуцца да спісу
Яшчэ не выяўлены апошні восьмы ўдзельнік стадыі чвэрцьфіналаў, але лёсаванне 1/4 Кубка Беларусі ўжо адбылося.
Сёння ў Доме Футбола прайшло лёсаванне 1/4 Кубка Беларусі розыгрышу 2017/2018. Сляпое лёсаванне абрала ў супернікі жоўта-зялёным мінскі клуб «Крумкачы». Цікава, што шар з назвай нашага клуба быў выняты з шкляной ёмістасці апошнім.
З гэтым супернікам у матчах другога па значнасці турніру раней сустракацца не даводзілася.
Астатнія пары гэтай стадыі кубка выглядаюць так: «Шахцёр» — «Дняпро», «Дынама-Брэст» — «Слуцк», «Іслач» — БАТЭ/«Тарпеда-БелАЗ».
Чвэрцьфінальныя матчы розыгрышу пройдуць у сакавіку 2018 года. Дакладныя даты будуць вызначаны перад стартам наступнага сезону.
