Пераносы гульняў Вярнуцца да спісу
Матч першынства дублёраў паміж камандамі «Нёман»-д — БАТЭ-д перанесены і будзе сыграны пасля таго, як свой матч адыграюць асноўныя склады каманд. Моладзевыя склады памераюцца сіламі ў панядзелак, 26 чэрвеня. Матч пройдзе ў футбольным манежы, які размешчаны ва ўрочышчы Пышкі. Пачатак сустрэчы ў 12:00.
Матч 15-га тура Беларусбанк — чэмпіянату Рэспублікі Беларусь па футболе сярод каманд Вышэйшай Лігі «Шахцёр» (Салігорск) — «Нёман» (Гродна) перанесены на 3 ліпеня. Сустрэча пройдзе на стадыёне «Будаўнік» і пачнецца ў 19:00. У сувязі з тым, што матч будзе згуляны ў Дзень Незалежнасці Рэспублікі Беларусь, уваход на гульню будзе вольным.
Матч 1/16 Кубка Беларусі розыгрышу 2017/18 паміж камандамі СДЮШАР №8 (Гомель) — «Нёман» (Гродна) перанесены на 5 ліпеня і пройдзе на поле стадыёна з штучным пакрыццём ГГ СДЮШАР №8 (вул. Сожская, 1А). Пачатак матчу ў 14:00.
