Дазвол атрыманы Вярнуцца да спісу

У пятніцу, 10 сакавіка, у Доме футбола адбылося пасяджэнне камітэта па клубнаму ліцэнзаванню. З шаснаццаці заявак клубаў на атрыманне ліцэнзіі задаволеныя былі 13. Менавіта столькі клубаў у тэрмін выканалі ўсе пастаўленыя перад імі ўмовы. Сярод дапушчаных да спаборніцтваў апынуўся і наш клуб.

Поўны спіс хто атрымаў паведамленне аб выкананні ўсіх крытэраў ліцэнзавання: БАТЭ (Барысаў), «Слуцк», «Дынама-Мінск», «Шахцёр» (Салігорск), «Тарпеда-БелАЗ» (Жодзіна), «Мінск», «Віцебск», «Гомель»,«Гарадзея»,«Дынама-Брэст»,«Іслач» (Мінскі раён), «Славія-Мазыр» і «Нёман» (Гродна). У сувязі з невыкананнем фінансавых крытэрыяў Рэгламенту АБФФ па ліцэнзаванні і кантролі дзейнасці клубаў, на дадзеным этапе было адмоўлена ў выдачы ліцэнзій тром прадстаўнікам Вышэйшай Лігі: магілёўскаму «Дняпру», наваполацкаму «Нафтану» і «Крумкачам» (Мінск).