U-10. Квасоўка 2016 Вярнуцца да спісу

У апошнія дні 2016 года ў Квасоўцы сабраліся лепшыя юныя гродзенскія футбалісты 2006 года нараджэння. Наша футбольная школа заявіла на гэты турнір дзве каманды, астатнія тры дружыны прадстаўлялі СДЮШАР «Белкард». Гэта адзін з апошніх турніраў для гэтага ўзросту, у якім адначасова на пляцоўцы ад каманды знаходзіцца чатыры палявыя гульцы і брамнік. Зусім хутка дзеці перайдуць на гульню ў 8 гульцоў, а значыць аб'яднанне складаў не за гарамі.

Фармат турніру ў пяць каманд не прадугледжвае наяўнасць разварушвання. Гэтага не ўлічыла наша другая каманда. Прыехаўшы за дзесяць хвілін да пачатку першай сустрэчы з «Квасоўкай», хлопцы спаўна паплаціліся за спазненне і атрымалі ад гаспадароў пяць мячоў. Удосталь зрабіўшы памылак у стартавыя дзесяць хвілін сустрэчы, каманда патроху стала прыходзіць у сябе. Як часта здараецца, разгром ад будучага пераможцы станоўча адбіўся на камандзе. У трох астатніх матчах абарона жоўта-зялёных згуляла звышнадзейна. З лікам 1:0 быў абыграны «Белкард»-Б, адзіны мяч ад свайго першага складу каманда прапусціла за 12 секунд да заканчэння сустрэчы, а ў апошняй сустрэчы турніру хлапчукі зноў мінімальна перайгралі «Белкард»-А з лікам 2:1. Для заваёвы прызавога месца ў гэтай сустрэчы хлапчукам патрэбна была толькі перамога. Задача ўскладнілася да сярэдзіны першай паловы матчу, калі белкардаўцы далёкім ударам адкрылі лік. Добра, што за пару хвілін да перапынку хлопцы аднавілі раўнавагу ў рахунку. Другі тайм прайшоў са значнай перавагай нёманцаў. Галявых момантаў было створана нават больш, чым за ўвесь турнір у цэлым, аднак адправіць мяч у сетку ўсё ніяк не атрымлівалася. Тры-чатыры разы суперніка выратоўваў брамнік, тры разы з забойнай пазіцыі хлапчукі білі міма, два разы белкардаўцаў ратаваў каркас брамы... Калі ўжо здавалася, што нічыйнага выніку не пазбегнуць, нашым хлопцам удалося прарвацца да брамы праз цэнтр і нізам паслаць мяч міма брамніка. Шуму з нагоды забітага гала было вельмі шмат. Акрамя бацькоў і першага складу «Нёмана», за хлопцаў перажывалі ўжо ўсе астатнія ўдзельнікі турніру. Ужо балюча пацешна з боку выглядалі гэтыя штангі-перакладзіны з двух метраў.

У адрозненні ад другога склада, адметнай рысай якога з'яўляецца надзейная гульня ў абароне, першы склад лепш гуляе ў нападзе. Адзінаццаць забітых мячоў першае, супраць трох мячоў другое - з гэтай статыстыкай не паспрачаешся. Аднак, як аказалася, такой выніковасці было недастаткова нават для траплення ў прызавую тройку. У першай сустрэчы нёманцы нечакана шмат прапусцілі ад другога «Белкарда» і саступілі 3:5. Пасля мінімальнай перамогі над сваімі аднаклубнікамі, першыя нумары зноў няўдала згулялі супраць «Белкарда»-А - матч скончыўся ўнічыю 3:3. Апошні матч турніру, ад якога залежала размеркаванне выніковых месцаў, атрымаўся вельмі захапляльным і багатым на галы. Праваліўшы цалкам першы тайм, нёманцы сышлі на перапынак прайграваючы тры мячы (1:4). Другая палова сустрэчы стала поўнай супрацьлегласцю першай. Будзь хлопцы трохі ўдачлівей, лік у матчы атрымалася б не толькі зраўняць, але і выйсці наперад. У такіх выпадках кажуць, што крыху не хапіла часу.

Выніковы лік 5:4 на карысць «Квасоўкі» адправіў першую каманду на чацвёртае месца, а другі дазволіў атрымаць срэбраныя ўзнагароды. Вось вам і 3 забітых на турніры мяча. 

СКЛАДЫ

Выязны склад (Нёман-А): брамнік Мікіта Філян, палявыя гульцы Захар Строк, Раман Рапецкі, Іван Домаш, Давід Варабей, Раман Урублеўскі, Арцём Урублеўскі, Богдан Леўчанка, Дзмітрый Марчук, Дзіланас Казюліс, Арцём Хоха. Трэнер – Ігар Латаш.

Выязны склад (Нёман-Б): брамнікі Пётр Мухін, Даніла Белецкі, палявыя гульцы Алег Пятроўскі, Уладзіслаў Сіротка, Уладзіслаў Ігнатовіч, Арцём Конон, Ягор Харашун, Уладзіслаў Іваноў, Мікалай Качук, Дзмітрый Маркевіч, Цімафей Карнаух, Дзяніс Богдан, Уладзіслаў Запаснік. Трэнер – Мікалай Гурэнка.

ВЫНІКОВАЯ ТАБЛІЦА

ЛЕПШЫЯ ГУЛЬЦЫ ТУРНІРА

Лепшы брамнік турніра: Пётр Мухін (Нёман-Б) 
Лепшы абаронца турніра: Кірыл Нанкевіч (Белкард-Б) 
Лепшы нападанік турніра: Дзіланас Казюліс (Нёман-А)
Бамбардыр турніра: Аляксей Дайнэка (Квасоўка)

Лепшыя гульцы сваіх каманд:
Белкард-А – Марат Станкевіч;
Белкард-Б – Аляксей Конан;
Нёман-А (Гродна) – Раман Рапецкі;
Нёман-Б (Гродна) – Уладзіслаў Сіротка;
Квасоўка – Іван Канцавы.