З Днём Народзінаў! Вярнуцца да спісу
Юрый Эдвардавіч Мазурчык нарадзіўся ў Гродна 11 студзеня 1962 года. Займаўся ў групе падрыхтоўкі пры камандзе майстроў гродзенскага «Хіміка» ў Міхаіла Міхайлавіча Хаменкова, адкуль у 17-гадовым узросце трапіў у галоўную каманду.
Свой дэбютны матч у складзе гродзенцаў Мазурчык правёў 20 красавіка 1980 года, выйшаўшы на замену ў самым канцы пераможнага матчу з «Гомсельмашам», а апошні раз у майцы нашага клуба згуляў 31 кастрычніка 2000 года супраць мінскага «Тарпеда-МАЗ». Цэнтральны нападнік адыграў у камандзе 18 сезонаў, правёў каля 400 каляндарных матчаў чэмпіянатаў СССР і Беларусі, стаўшы адным з лепшых бамбардзіраў у гісторыі клуба. Выступаючы за гродзенцаў Юрый Мазурчык у афіцыйных матчах 98 раз адпраўляў мяч у сетку суперніка: 48 мячоў ён забіў у чэмпіянаце СССР, 37 - у чэмпіянаце Беларусі, 2 - у Кубку СССР, 10 - у Кубку Беларусі, 1 - у Кубку ўладальнікаў кубкаў.
Пасля заканчэння гульнявой кар'еры Юрый Мазурчык некаторы час прапрацаваў у клубе начальнікам і старшым трэнерам каманды. Аднак паслякар'ернае было нядоўгім. Ужо ў пачатку 2002 легендарны гродзенскі футбаліст пакінуў Беларусь і з'ехаў у ЗША на пастаяннае месца жыхарства.
Калектыў футбольнага клуба «Нёман» віншуе Юрыя Эдвардавіча з 55-годдзем, дзякуе за гады выступлення і за вялікі ўклад у развіццё клуба, а таксама жадае яму здароўя, поспеху і сямейнага дабрабыту!
Больш падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Юрый МАЗУРЧЫК.
