«Нёман» U-15: вынікі восеньскага адрэзка Вярнуцца да спісу
Падвядзем кароткі вынік выступленні самай юнай нашай каманды, якая ўдзельнічала ў першынстве Беларусі. Сёння раскажам пра хлопцаў, якія праводзяць свой першы афіцыйны сезон на рэспубліканскім узроўні.
СЕЗОН 2016/17
Трэнерскі штаб каманды «Нёман» U-15: галоўны трэнер – Артур Крыванос.
У першай палове першынства гродзенцы атрымалі 4 перамогі, тры матчы згулялі ўнічыю, саступіўшы толькі ў двух сустрэчах. Жоўта-зялёныя нечакана спатыкнуліся ў матчы з мікашэвіцкім «Гранітам», а таксама мінімальна саступілі тым, хто ідзе на трэцім месцы, мінскім РЦАР. Жоўта-зялёныя ў дзевяці гульнях набралі 15 ачкоў з 27 магчымых (55,6%).
Дома гродзенцы правялі 5 сустрэч (у табліцы вылучаныя болдам), у якіх не саступілі ні разу: +2=3-0, рознасць мячоў 6-2. У гасцях было згуляна 4 матчы: +2=0-2, мячы 5-4.
ТУРНІРНАЕ СТАНОВІШЧА
Па выніках першай паловы першага этапу гродзенская каманда размясцілася на 4-ай пазіцыі ў групе «А», у якой за выхад у фінальную частку змагаецца 10 каманд. У другі этап патрапяць па чатыры лепшыя каманды з дзвюх груп і працягнуць розыгрыш з улікам набраных на першым этапе ачкоў. На дадзены момант у жоўта-зялёных маецца два такіх ачкі: дзве хатнія нічыі з «Мінскам» і салігорскім «Шахцёрам», якія ідуць на першым і другім месцах адпаведна.
Хутчэй за ўсё, менавіта першая чацвёрка каманд групы «А» па заканчэнні першага групавога этапу патрапіць у фінальную групу. А вось у іншай групе ўся барацьба яшчэ наперадзе. Там на трапленне ў васьмёрку наймацнейшых прэтэндуе як мінімум пяць каманд: «Дынама-Мінск», БАТЭ, «Гомель», ФШМ (Мінск) і магілёўскае «Дняпро».
| # | каманда | г | мячы | а | лік |
|---|---|---|---|---|---|
| 1 | Мінск | 9 | 31 - 3 | 23 | 0-0 |
| 2 | Шахцёр | 9 | 31 - 6 | 21 | 2-2 |
| 3 | РЦАР | 9 | 21 - 7 | 21 | 1-2 |
| 4 | Неман | 9 | 11 - 6 | 15 | |
| 5 | Гарадзея | 9 | 10 - 17 | 9 | 0-0 |
| 6 | Белкард | 9 | 9 - 13 | 8 | 2-0 |
| 7 | Дынама-Брэст | 9 | 7 - 17 | 8 | 2-0 |
| 8 | Граніт-Мікашэвічы | 9 | 8 - 27 | 8 | 0-2 |
| 9 | Іслач | 9 | 6 - 23 | 6 | 2-0 |
| 10 | Слуцк | 9 | 3 - 18 | 3 | 2-0 |
Падрабязная табліца першай паловы групавога этапа
| # | каманда | г | мячы | а | лік |
|---|---|---|---|---|---|
| 1 | Дынама-Мінск | 9 | 41 - 7 | 25 | - |
| 2 | БАТЭ | 10 | 25 - 4 | 22 | - |
| 3 | ФШМ Мінск | 10 | 26 - 8 | 20 | - |
| 4 | Гомель | 10 | 16 - 10 | 20 | - |
| 5 | Віцебск | 10 | 20 - 6 | 19 | - |
| 6 | Дняпро | 9 | 13 - 12 | 14 | - |
| 7 | Крумкачы | 10 | 20 - 23 | 11 | - |
| 8 | Белшына | 10 | 9 - 22 | 8 | - |
| 9 | Тарпеда-БелАЗ | 10 | 8 - 27 | 7 | - |
| 10 | Нафтан | 10 | 9 - 34 | 6 | - |
| 11 | Славія-Мазыр | 10 | 6 - 40 | 2 | - |
ІНДЫВІДУАЛЬНЫЯ ПАКАЗЧЫКІ
Усяго ў восеньскай часткі першынства былі задзейнічаны 18 футбалістаў (2 брамніка, 5 абаронцаў, 8 паўабаронцаў, 3 нападніка).
Поўныя статыстычныя дадзеныя па кожнаму гульцу каманды (закладка «Статыстыка»)
КАПІТАН
Ва ўсіх дзевяці сустрэчах каманду на полі выводзіў Эдуард Пакачайло.
ЛІДЭРЫ
Ва ўсіх гульнях каманды прымалі ўдзел дзевяць хлопцаў: абаронцы Мікіта Курачкін, Ягор Пархоменка, Даніэль Тарашчык, паўабаронцы Арцём Кітурка, Ілля Анішчык, Арсеній Ашурка, Эдуард Пакачайло, Дзмітрый Папковіч, Антон Сучкоў і нападнікі Максім Краўцоў. Ад званка да званка на поле адпрацавалі двое з іх – Курачкін і капітан Пакачайло. Абодва гульца правялі па 630 хвілін гульнявога часу. Хай вас не бянтэжыць гэтая лічба, бо ў гэтым узросце матч складаецца з двух таймаў па 35 хвілін кожны.
БРАМНІКІ
У гэтых матчах было задзейнічана 2 брамніка. Кірыл Вейдыгер згуляў у двух матчах (140 хвілін, 22,22% гульнявога часу) і прапусціў 2 галы (1 прапушчаны мяч за гульню / 70'00'' умоўны інтэрвал паміж галамі). Яго напарнік Вадзім Сляпак адыграў у 7 сустрэчах (490 хвілін, 77,78% гульнявога часу) і прапусціў 4 галы (0,57 / 157'30''). Трэці заяўлены галкіпер 7 разоў быў унесены ў афіцыйны пратакол, аднак ні разу на поле не выходзіў.
Аўтар: Футбик TV (footbik.by)
ГАЛЫ
11 забітых галоў на рахунку чатырох футбалістаў. Лепшым на дадзены момант з'яўляецца нападнік Максім Краўцоў, чатыры разы адправіў мяч у браму праціўніка. Тры разы вызначыўся Эдуард Пакачайло (адзін з іх з пенальці), па два разы – Арцём Кітурка і Антон Сучкоў.
ПАСЫ
З 11 галоў толькі 7 былі забітыя пры непасрэднай дапамозе партнёраў. Па тры дзейсных перадачы зрабілі Эдуард Пакачайло і Антон Сучкоў, яшчэ адзін пас на рахунку Мікіты Курачкіна. Тры мячы былі забітыя пасля памылак абаронцаў, адзін раз гродзенцы рэалізавалі адзінаццаціметровы ўдар.
ПЕНАЛЬЦІ
З адзінаццаціметровымі не заладзілася з самага пачатку. З пяці назначаных убраму суперніка пенальці, хлапчукі рэалізавалі толькі адзін. Тройчы быў недакладны Эдуард Пакачайло («Іслач», «Граніт», «Белкард»), адзін раз не перайграў брамніка Антон Сучкоў («Гарадзея»). Адзіным шчаслівым стаў другой пенальці ў выкананні Пакачайло ў матчы з «Іслаччу».
У браму нашай каманды пенальці прызначаўся ўсяго адзін раз у матчы з мінскім РЦАР БДУ (брамнік В.Слепец / рэалізаваны).
ГРУБАСЦЬ
Каманда згуляла досыць карэктна. Усяго ў дзевяці матчах гульцы каманды зарабілі восем папярэджанняў: па два разы былі пакараныя Даніэль Тарашчык, Эдуард Пакачайло і Антон Сучкоў.
