Бронза ў Барысаве Вярнуцца да спісу
З 2 па 4 лістапада ў Барысаве прайшоў традыцыйны мемарыял дзіцячага трэнера Віктара Васільевіча Матусевіча, самым вядомым выхаванцам якога з'яўляецца Ігар Стасевіч.
У турніры прынялі ўдзел сем каманд, складзеных з хлопцаў 2004 года нараджэння: БАТЭ (Барысаў), «Унікум» (Барысаў), СДЮШАР «Нёман» (трэнер Уладзімір Гусінец), «Віцебск» (Віцебск), «Дняпро» (Магілёў), «Дняпро» (Рагачоў) і РЦАР-БДУ (Мінск). На першым этапе спаборніцтваў каманды былі падзеленыя на дзве групы, а па завяршэнні групавой стадыі ўдзельнікі ў стыкавых матчах разыгралі выніковыя месцы.
Нашы хлопцы на групавым этапе згулялі 3 матчы, у якіх атрымалі дзве перамогі і занялі ў групе «Б» другое месца.
На старце турніру гродзенцы ў цяжкай барацьбе перайгралі магілёўскае «Дняпро» 1:0, а на наступны дзень жоўта-зялёныя згулялі два групавых матча. Спярша хлопцы саступілі будучаму пераможцу спаборніцтваў барысаўскаму БАТЭ з лікам 0:1, а затым з такім жа лікам перайгралі «Дняпро» з Рагачова. У паўфінале наша каманда забіла два мячы «Віцебску», аднак гэтага для выхаду ў фінал не хапіла - параза 2:3. У матчы за трэцяе месца нёманцы зноў сустрэліся з камандай з Барысава. Перамогшы «Унікум» з лікам 1:0, нашы хлапчукі заваявалі бронзавыя ўзнагароды турніру.
ГРУПА "А"
| # | каманды | 1 | 2 | 3 | мячы | а |
|---|---|---|---|---|---|---|
| 1 | ФК «Віцебск» | Х | 2:1 | 4:1 | 9 – 2 | 9 |
| 2 | «Унікум» (Барысаў) | 1:2 | Х | 2:1 | 6 – 3 | 6 |
| 3 | РЦАР (Мінск) | 1:4 | 1:2 | Х | 5 – 6 | 3 |
ГРУПА "Б"
| # | каманды | 1 | 2 | 3 | 4 | мячы | а |
|---|---|---|---|---|---|---|---|
| 1 | БАТЭ (Барысаў) | Х | 1:0 | 2:1 | 0:0 | 3 – 1 | 7 |
| 2 | СДЮШАР «Нёман» (Гродна) | 0:1 | Х | 1:0 | 1:0 | 2 – 1 | 6 |
| 3 | «Дняпро» (Магілёў) | 1:2 | 0:1 | Х | 4:2 | 5 – 5 | 3 |
| 4 | «Дняпро» (Рагачоў) | 0:0 | 0:1 | 2:4 | Х | 2 – 5 | 1 |
Матч за 5-е месца: «Дняпро» (Магілёў) - РЦАР (Мінск) - 0:0 па пен. 3-1
Паўфіналы: БАТЭ (Барысаў) - «Унікум» (Барысаў) - 3:3 па пен. 2-0, «Віцебск» - «Нёман» (Гродна) - 3:2
Матч за 3-е месца: «Нёман» (Гродна) - «Унікум» (Барысаў) - 1:0
Фінал: БАТЭ (Барысаў) - «Віцебск» - 4:0
