Савіцкі згуляе за зборную Вярнуцца да спісу
Сёння нацыянальная зборная Беларусі правядзе таварыскі матч супраць зборнай Грэцыі. Матч пройдзе ў Афінах на стадыёне «Караіскакіс» і пачнецца ў 21:15 па мясцовым часе (22:15 па беларускім). Прамую трансляцыю гэтага матчу пакажа тэлеканал «Беларусь 5». На наступны дзень пасля гэтай сустрэчы наша каманда выляціць у Сафію, дзе 13 лістапада правядзе апошні ў гэтым годзе адборачны матч супраць балгараў («Васіл Леўскі», 19:00 па мясцовым часе).
На гэтыя два бліжэйшыя матчы зборнай быў выкліканы гулец гродзенскага клуба паўабаронца Павел Савіцкі.
ГРЭЧАСКі ДЗЁННІК. ЧАСТКА 2
Поўны выязны склад Аляксандр Хацкевіч назваў напярэдадні ад'езду ў Грэцыю. Галоўны трэнер выклікаў на гэтыя матчы 23 футбаліста:
Брамнікі: Сяргей Чэрнік («Нансі», Францыя), Андрэй Гарбуноў («Атрамітас» Афіны, Грэцыя), Аляксандр Гутар («Арэнбург», Расія);
абаронцы: Дзяніс Палякоў, Максім Валадзько (абодва – БАТЭ, Барысаў), Ігар Шытаў («Астана», Казахстан), Аляксандр Мартыновіч («Краснадар», Расія), Сергей Паліцевіч («Генчлербірлігі» Анкара, Турцыя), Ягор Філіпенка («Маккабі» Тэль-Авіў, Ізраіль), Міхаіл Сівакоў («Заря» Луганск, Украіна), Яўген Клапоцкі («Тарпеда-БелАЗ», Жодзіна);
паўабаронца: Сяргей Кісляк («Газіантепспор», Турцыя), Аляксандр Глеб, Аляксей Рыос, Юрый Кендыш (усе – БАТЭ, Барысаў), Іван Маеўскі («Анжы» Махачкала, Расія), Мікіта Корзун («Дынама» Кіеў, Украіна), Павел Нехайчык («Арэнбург», Расія), Павел Савіцкі («Нёман» Гродна);
нападнікі: Сяргей Карніленка («Крылы Саветаў» Самара, Расія), Мікалай Сігневіч, Міхаіл Гардзейчук (абодва – БАТЭ, Барысаў), Дзяніс Лапцеў («Шахцёр», Салігорск).
Фота: АБФФ
