Smorgon Bear 2016 Вярнуцца да спісу
З 2 па 4 лістапада ў Смаргоні прайшоў Міжнародны дзіцячы турнір па футболе сярод юнакоў 2004 года нараджэння «Smorgon Bear 2016». Па рэгламенце турніру матч складаўся з двух таймаў па 20 хвілін.
У турніры прынялі ўдзел каманды сямі футбольных школ: ДЮСШ г. Смаргонь, ДЮСШ г. Ліда, ДЮСШ г. Баранавічы, СДЮШАР «Нёман», ФК «Тарпеда-БелАЗ» (Жодзіна), ФК «Граніт-Мікашэвічы» і СШ «Экспрэс» (Вялікія Лукі, Расія).
Гродзенцы турнір пачалі з перамогі, пераканаўча перайграўшы Мікашэвіцкую каманду з лікам 3:0 (галы: Ланцавічы, Кавейша-2). У другім матчы жоўта-зялёныя таксама валодалі перавагай, аднак у кожным з таймаў дазволілі лідчанам правесці па адной выніковай контратацы. Самі пры гэтым забіць не змаглі і саступілі Лідзе 0:2. У другі гульнявы дзень нашы хлапчукі правялі яшчэ два матчы, у якіх ні адна з каманд не змагла перайграць свайго суперніка. У першай сустрэчы з жодзінцамі наша каманда прайгравала, аднак знайшла ў сабе сілы ў другім тайме лік зраўняць. За пяць хвілін да канца матчу хлопцы выпусцілі рэальную магчымасць вырваць перамогу. Кацынель не змог трапіць у пустую браму тарпедаўцаў - 1:1 (Тарашчык). У матчы з расіянамі галоў забіта не было. Хоць і ў гэтай сустрэчы перамога была блізкая. На апошняй хвіліне сустрэчы Тарашчык папаў мячом у штангу.
У заключны дзень спаборніцтваў гродзенцы саступілі Смаргоні. Пасля першага тайма хлопцы буйна прайгравалі, аднак сабраліся, пераламалі сітуацыю, і, практычна, дасталі свайго апанента. Выніковы лік сустрэчы - 2:3 (Кевейша, Кацынель). У апошнім матчы, калі ўжо было ясна, што хлопцы не трапяць у прызавую тройку, у хлапчукоў атрымлівалася літаральна ўсё і яны разграмілі аднагодкаў з Баранавічаў 8:0 (Пара, Кацынель-2, І.Чарняк, Ланцэвіч, Лебедзеў, Кевейша-2, Васількевіч).
У выніковай табліцы наша каманда заняла 5-е месца. Лепшым бамбардзірам каманды стаў Вадзім Кевейша (5 галоў), а лепшым абаронцам турніру быў прызнаны Віталь Пара, які займаецца ў ваўкавыскай ДЮСШ. Хлопец упершыню прыязджаў на прагляд і зарэкамендаваў сябе з найлепшага боку.
ВЫНІКОВАЯ ТАБЛІЦА
| # | каманды | 1 | 2 | 3 | 4 | 5 | 6 | 7 | мячы | а |
|---|---|---|---|---|---|---|---|---|---|---|
| 1 | ДЮСШ Смаргонь | Х | 0:0 | 6:0 | 6:0 | 3:2 | 4:0 | 3:1 | 22 – 3 | 16 |
| 2 | СШ «Экспрэс» | 0:0 | Х | 2:1 | 1:0 | 0:0 | 7:0 | 3:1 | 13 – 2 | 14 |
| 3 | ФК «Тарпеда-БелАЗ» | 0:6 | 1:2 | Х | 3:2 | 1:1 | 4:2 | 2:1 | 11 – 14 | 10 |
| 4 | ДЮСШ Ліда | 0:6 | 0:1 | 2:3 | Х | 2:0 | 4:2 | 1:0 | 9 – 12 | 9 |
| 5 | СДЮШАР «Неман» | 2:3 | 0:0 | 1:1 | 0:2 | Х | 9:0 | 3:0 | 15 – 6 | 8 |
| 6 | ДЮСШ Баранавічы | 0:4 | 0:7 | 2:4 | 2:4 | 0:9 | Х | 1:0 | 5 – 28 | 3 |
| 7 | ФК «Граніт-Мікашэвічы» | 1:3 | 1:3 | 1:2 | 0:1 | 0:3 | 0:1 | Х | 3 – 13 | 0 |
Выязны склад каманды: брамнікі Ўладзіслаў Седлярэвіч, Віктар Джангіраў, палявыя гульцы Вадзім Кевейша, Мікіта Мохань, Мацвей Ланцэвіч, Аляксей Гур'еў, Андрэй Балтрукевіч, Ігар Чарняк, Андрэй Чарняк, Марат Васількевіч, Ілля Лебедзеў, Ігар Медынін, Віталь Пара, Арсеній Тарашчык, Леў Дземянаў. Трэнер - Уладзімір Пятроў.
Фота ў тэксце: ДУСУ ДЮСШ г. Смаргонь
