БАТЭ – «Нёман»: матч скончаны Вярнуцца да спісу

Барысаўскі БАТЭ з'яўляецца самым нязручным для гродзенскай каманды супернікам, з кім даводзілася ў чэмпіянаце сустракацца больш за пяць разоў. У 43 гульнях здабыта 5 перамог, да нічыёй даведзены восем матчаў, а ў астатніх сустрэчах жоўта-зялёныя цярпелі паразу. Калі браць з разліку 2 ачкі за перамогу, то гродзенцы ў гульнях з незмяняльнай чэмпіёнам апошніх гадоў ўзялі толькі 20,93% ачкоў. Менш гэты паказчык толькі ў супрацьстаянні з менскай «Атакай-Аўрай» – 20,00%, але тая ўжо даўно адышла ў нябыт, і паправіць непераканаўчую статыстыку проста не ўяўляецца магчымым.

У выпадку ж з БАТЭ такая магчымасць прысутнічае, аднак ачкі ў супрацьстаянні з барысаўскім клубам даюцца з вялікай цяжкасцю. Асабліва гэта тычыцца матчаў на выездзе. Ці варта нагадваць, што ў Барысаве гродзенскі «Нёман» яшчэ ні разу не выйграваў БАТЭ – ні ў чэмпіянаце, ні ў кубку. Ні нават супраць іншага клуба, прайграўшы фінальны матч кубка на «Барысаў-Арэне» салігорскаму «Шахцёру» у 2014 годзе.

Калі сыходзіць толькі ад статыстычных выкладак, то думаць аб станоўчым зыходзе не прыходзіцца. Хоць, усе серыі калі-небудзь заканчваюцца, якімі б працяглымі яны не былі. У мінулым годзе перапынілася наша пятнаццацігадовая бяспройгрышная серыя ў матчах з «Белшынай», сёлета – дзевяцігадовая выязная безвыйгрышная серыя з «Мінскам».

Магчыма тое, што не атрымалася ў Сівакова, Саладоўнікава, Няфёдава, Курнева, Румбуціса, Радушка і Карашкова, атрымаецца ў Кавалевіча? Гасцявой жа «Мінск» скарыўся з першай спробы.

Подрабязней: гісторыя сустрэч «Нёман» — БАТЭ

• Вынікі галасавання

  БАТЭ - «Нёман»: прадкажы вынік матчу

  • тры ачка чэмпіёну
    27%
  • нічыйны вынік
    26%
  • тры ачка «Неману»
    47%

Поўная справаздача даступна на старонках матча БАТЭ — «Нёман»

БАТЭ (Барысаў) — НЁМАН (Гродна) – 4 : 0 (2 : 0)

БАТЭ: Шчарбіцкі – Гайдучык, Яблонскі, А.Валадзько, Іваніч, Жаўнерчык, Рыос, (к) Радзівонаў, Стасевіч, Палякоў, Гардзейчук. Запасныя: Сарока – Сігневіч, Пікк, М.Валадзько, Мухамедаў, Джыгеро, Гвілія.

Нёман: Курганскі – Бебе, Паўлавец, Касмынін, Пазняк – Рудзік, Саасцьянаў - (к) Савіцкі, Яроцкі, Васькоў – Канцавы. Запасныя: Жураў – Сасноўскі, Кавалёнак, Анюкевіч, Лешка, Бомбель, Горбач.

Галы: 1:0 - Гайдучык (14-г, пас - А.Рыос), 2:0 - Гардзейчук (45-г, пас - Стасевіч), 3:0 - Радзівонаў (72, пас - Іваніч), 4:0 - Іваніч (81, пас - Сігневіч).

Поўны пратакол сустрэчы і прэв'ю даступны на старонках матча БАТЭ — «Нёман»

ВІДЭА