Яроцкі вяртаецца ў Гродна Вярнуцца да спісу
Яшчэ адзін гулец моладзевай зборнай Беларусі да канца сезона будзе выступаць за гродзенскі «Нёман».
Услед за БАТЭ, які пагадзиўся на арэнднае пагадненне па Клімовічу, дабро на пераход Яроцкага да жоўта-зялёных было атрымана і ад кіраўніцтва клуба «Дынама-Мінск». Яраслаў з'яўляецца выхаванцам гродзенскай СДЮШАР «Нёман», аднак паўабаронца да гэтага часу не правёў ніводнага матчу нават за дублюючы склад нашай каманды.
Гулец пакінуў Гродна ў 2012 годзе і перабраўся ў мінскае «Дынама», з дублем якога станавіўся бронзавым, срэбным прызёрам і чэмпіёнам першынства Беларусі. У гэтым сезоне Яроцкі згуляў за аснову сталічнага клуба 12 матчаў і забіў 1 гол.
Кантракт з нашым клубам будзе падпісаны на днях.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Яраслаў Яроцкі.
З вяртаннем дадому, Яраслаў!
