«Лакаматыў» (Ташкент) – «Нёман» Вярнуцца да спісу
Сёння наша каманда правядзе першы з запланаваных у межкругавую паўзу двух кантрольных матчаў. Матч пройдзе ў Дзяржынску на Гарадскім стадыёне, пачатак сустрэчы ў 17:00.
Усе пяць патэнцыйных навабранцаў едуць на матч і атрымаюць свой час, каб паказаць усё, на што яны здольныя. Нагадаем, што на гэтым тыдні да трэніровак каманды далучыліся расейцы Філіп Рудзік, Андрэй Чурын, Канстанцін Белоў і Мікіта Васільеў,а таксама гулец нацыянальнай зборнай Кыргызстана Бахціяр Дуйшабекаў. Ёсць вялікая верагоднасць таго, што на матч прыедзе яшчэ некалькі футбалістаў, якія прымуць удзел у матчы надзеўшы футболку гродзенскага клуба. Сачыце за навінамі.
СУПРАЦЬ УЗБЕКАЎ
У афіцыйных матчах шляхі-дарогі гарадзенскага «Нёмана» з прадстаўнікамі ўзбекскага футбола перасекліся толькі ў сезоне 1969 года. Той год стаў адзіным у гісторыі клуба, калі каманда трапіла ў групу, дзе сабраліся каманды з рэгіёну Каўказа і Сярэдняй Азіі. Дарэчы, па выніках таго сезону «Нёман» апусціўся ў трэці дывізіён, хоць і заняў 14-е месца з 21 каманды, якая ўдзельнічала ў турніры . Справа ў тым, што гродзенцы прапусцілі наперад другога прадстаўніка ад БССР. «Нёман» і брэсцкі «Спартак» набралі аднолькавую колькасць ачкоў, аднак гродзенцы саступілі па дадатковых паказчыках. А гэта значыла, што яго там чакала дуэль з «Гомсельмашам». Адстаяць сваё права выступаць у другім па сіле дывізіёне краіны не ўдалося, хоць і тут мы не саступілі суперніку - у гасцях згулялі 0:0, а дома 3:3. Хоць, як выявілася, усё гэта было справай марнай. Наступны сезон абедзве каманды правялі ў трэцім дывізіёне. У справу ўмяшаліся чарговыя рэформы чэмпіянату.
Дык вось, у 1969 году гродзенцы сустракаліся з двума прадстаўнікамі Узбекскай ССР. Наша каманда саступіла «Палітаддзелу» (Ташкенцкая вобласць) - дома 0:0, у гасцях 0:2, але была мацнейшай каманды «Заравшан» (Навоі) - дома 1:1, у гасцях 1:0. Такія вынікі цалкам адпавядалі выніковай расстаноўцы: «Палітаддзел» заняў 10-е месца, «Нёман» - 14-е, «Заравшан» - 17-е.
ЛАКАМАТЫЎ
Ташкенцкі «Лакаматыў» быў утвораны ў 2002 годзе, аднак за гэты перыяд часу абзавёўся ўжо дастатковай колькасцю трафеяў. Гэта і не дзіўна, бо галоўным спонсарам клуба з'яўляюцца «Узбекістанскія чыгункі». Упершыню чыгуначнікі паспрабавалі сіл у наймацнейшай лізе краіны на трэцім годзе свайго існавання. Сем сезонаў каманда ніяк не магла знайсці сваю гульню, тройчы дабіралася да 6 месцы і па выніках сезона 2010 года пакінула Вышэйшую Лігу Узбекістана. Растанне было хуткаплынным. Выйграўшы адразу чэмпіянат Першай Лігі, ташкентцы вярнулі сабе прапіску ў першым дывізіёне. На гэты раз кіраўніцтва не жадала гібець у сярэдзіне турнірнай табліцы і сабрала баявую каманду, якая вось ужо чатыры гады запар знаходзіцца на п'едэстале гонару. У 2012 годзе былі заваяваны бронзавыя медалі чэмпіянату, а затым тройчы срэбраныя. Прычым у 2013 і 2015 гадах «Лакаматыў» адстаў ад чэмпіёна усяго на адно ачко. У цяперашнім чэмпіянаце «Локо» пасля першага круга зноў ідзе другім, адстаючы ад «Бунедкора» на адно ачко. Праўда ў чыгуначнікаў ёсць адна гульня ў запасе.
Поўнае прэв'ю на старонках матча «Лакаматыў» (Ташкент, Узбекістан) – «Нёман» (Гродна, Беларусь)
За трыццаць хвілін да пачатку сустрэчы наш трэнерскі штаб вызначыўся са стартавым складам. З пачаткоўцаў там прысутнічае толькі Рудзік, усе астатнія гульцы, якія прыехалі на прагляд атрымаюць свой час ў другой палове сустрэчы.
Склад гасцей пакуль не вядомы.
ЛАКАМАТЫЎ (Ташкент, Узбекістан) — НЁМАН (Гродна, Беларусь) – 3 : 1 (1 : 0)
Лакаматыў: Ікрамаў - Мустафаеў, Зоцееў, Прохараў, Кайкут, Махарадзе, Мірзаеў, (к) Кападзе, Шоахмедаў, Алібаеў, Понашэвац. Запасныя: Карымаў, Нартаджыеў - Янічыч, Абдуллаеў, Рузіеў, Геворкян, Абдухалиікаў, Усманаў.
Нёман: Курганскі - Бебе, (к) Сасноўскі, Горбач, Пазняк - Савасцьянаў, Рудзік - Савіцкі, Канцавы, Васькоў - Вяргейчык. Запасныя: Жураў - Хвалько, Касмынін, Васільеў, Дуйшабекаў, Чурын, Белоў, Андронік, Бомбель, Кавалёнак.
Галы: 1:0 - Кайкут (29-галавою, пас - Зоцееў), 2:0 - Абдуллаеў (55, памылка В.Андроніка), 2:1 - А.Пазняк (66, пас - В.Андронік), 3:1 - Понашэвац (90+1, пас - Рузіеў).
