«Нёман»-д — «Тарпеда-БелАЗ»-д Вярнуцца да спісу
Праз две з паловай гадзіны на штучным полі ЦСК «Нёман» пачнецца гульня дублюючых складаў каманд «Нёман» — «Тарпеда-БелАЗ» (Жодзіна).
Абедзве каманды лічацца моцнымі сераднякамі, што пацверджваецца размяшчэннем каманд перад матчам у турнірнай табліцы першынства дублёраў. Нашы госці з 15-ю ачкамі займаюць 6-е месца, крыху апярэджваючы жоўта-зялёных. Перад прынцыповым матчам няўступлівых супернікаў у падапечных Дзмітрыя Троска 13 ачкоў і 8-е месца. У выпадку сённяшняй перамогі гарадзенская каманда на адно ачко апярэдзіць жодзінцаў і падымецца ў турнірнай табліцы мінімум на 1 радок вышэй.
Для жодзінцаў гэтая гульня стане трэцяй, якую яны правядуць на працягу 11 апошніх дзён. 24 красавіка яны пераканаўча перайгралі дома «Белшыну» 4:0, а 29 красавіка згулялі прапушчаны матч сёмага тура ў Брэсце, дзе згулялі з дынамаўцамі 0:0. Такі шчыльны графік можа адбіцца на фізічным стане сённяшняга суперніка, аднак нашым хлопцам, перш за ўсё, неабходна думаць аб сваёй гульні.
Гульні тарпедаўцаў у чэмпіянаце: «Дынама-Мінск» (д; 0:5), «Слуцк» (г; 3:1), «Нафтан» (д; 3:0), «Граніт-Мікашэвічы» (г; 3:1), «Крумкачы» (д; 0:3), «Віцебск» (г; 0:0), «Мінск» (г; 1:1), «Белшына» (д; 4:0), «Дынама- Брэст» (г; 0:0).
У мінулым сезоне гродзенцы дома вялі ў рахунку, аднак прапусцілі ў другім тайме два мяча і нечакана саступілі тарпедаўцам 1:2.
У верасні жоўта-зялёным атрымалася ўзяць у гасцях пераканаўчы рэванш у жодзінскай каманды. На полі саперніка нашы хлопцы забілі 5, прапусціўшы толькі аднойчы.
У мінулым туры наша каманда атрымала буйную перамогу ў Мазыры. 21 красавіка хлопцы 4 разы прымушалі суперніка пачаць з цэнтра поля, пры гэтым самі апынулася ў такім становішчы адзін раз. Тры галы з чатырох забітых на рахунку Яна Сенкевіча, які ў гэтым чэмпіянаце вызначыўся ўжо 7 разоў.
Поўная статыстыка гульцоў дублюючага складу «Нёмана» (закладка «Статыстыка»)
Сталі вядомыя стартавыя склады каманд. У жоўта-зялёных пераможны склад з мінулага матчу не змяніўся абсалютна. Цалкам супадае стартавы склад і сямёрка якая сядзіць на замене. А вось у складзе гасцей, у параўнанні з папярэднім матчам у Брэсце, ёсць два змены. У стартавым складзе не выйдуць лепшы бамбардзір дубля Уладзіслаў Кнацько-Штерк (6 галоў) і Аляксандр Красноў (1 гол). Больш за тое, іх няма нават у запасе. Затое, у асноўным саставе з'явіцца гродзенец Аляксей Бялевіч. У жодзінцаў на лаўцы запасных сёння застануцца толькі два гульца.
НЁМАН-д (Гродна) — ТАРПЕДА-БелАЗ-д (Жодзина) – 1 : 1 (1 : 1)
Нёман: ШышлоЎ - Снігіра, Хвалько, Лысенка, (к) Квенцар - Сырыська, Агурцэў - Сарокін, Сенкевіч, Кругленя - Лукашык. Запасные: Агапаў - Капко, Васкабойны, Семяновіч, Чайка, Усовіч, Буцько.
Тарпеда: Абрамовіч - С.Макараў, Джугір, Пузевіч, Мінко, А.Макараў, Белко, Белевіч, Салавей, Кішкель, Цурко. Запасныя: Дігілевіч, Драчоў.
Гылы: 1:0 - Я.Сенкевіч (11), 1:1 - А.Пузевіч (25-г, пас з штрафнога)
Гродзенцы пачалі матч вельмі добра. У стартавыя пятнаццаць хвілін гасцям заставалася думаць толькі аб абароне ўласных варот. Вынікам такога яркага стартавага адрэзка стаў забіты жоўта-зялёнымі гол. Зноў у складзе гарадзенцаў вызначыўся Ян Сенкевіч, забіўшы свой восьмы гол у сезоне. Пасля таго, як перавага ў рахунку было дасягнута, ціск на вароты Абрамовіча стаў спадаць. Да дваццатай хвіліны першага тайма гульня выраўнавалася. Жодзінская моладзь атакавала ўсё часцей і ў адной з атак заваявала права на штрафны. Ішла 25-я хвіліна матчу і па папярэдняй дамоўленасці каманд быў абвешчаны перапынак на вадапой. Гэтая паўза згуляла на карысць гасцей. Адразу ж пасля аднаўлення гульні нашым давялося пачынаць з цэнтра поля. Перадача Анатоля Макарава са штрафнога стала галявой - капітан жодзінцаў Пузевіч галавой забіў мяч у сетку варот. Больш да перапынку памылак абарона каманд не дапускала.
Пратакол сустрэчы даступны на старонках матча «Нёман»-д - «Тарпеда-БелАЗ»-д
