Дубль прымаў «ваўкоў» Вярнуцца да спісу
У мінулым туры абедзве каманды дома прымалі сваіх супернікаў. Дубль «ваўкоў» згуляў унічыю з «Белшынай» 1:1, а нашы хлопцы пераігралі аднаго з лідэраў чэмпіяната моладзь барысаўскага БАТЭ 1:0. Пасля сямі матчаў каманды размясціліся адзін вакол другога: у жоўта-зялёных 9 ачкоў і 11-і радок у турнірнай табліцы, а ў «Іслачы» – 7 ачкоў і дванаццатае месца.
Гульня абяцае быць цікавай і ўпартай. Ужо зусім хутка трэнеры абвесцяць склады сваіх каманд.
Сталі вядомы гульцы, якія выйдуць на поле з першых хвілін. У гасцей са старту на поле з'явяцца тры аксакала – брамнік Сяргей Туранок (1986), абаронцы Андрэй Парываеў (1982) і Дзмітрый Макар (1981). Апошні добра вядомы гродзенскім заўзятарам, які выступаў за жоўта-зялёных на працягу трох сезонаў (2007-2009). Дзмітрый згуляў за наш клуб 33 матчы і забіў 8 галоў.
У нашай камандзе змены мінімальныя. Не згуляе сёння абаронца Мікіта Беценя. Яго месца на правым краі абароны са стартавых хвілін зойме Андрэй Снігіра.
Першы тайм.
Замест таго, каб павесці ў ліку ў два мячы, наша каманда два прапусціла. У самым дэбюце матча жоўта-зялёныя прыстойна прыціснулі суперніка да брамы. Чатыры запар кутавых неслі рэальную небяспеку. Пры адным з іх мяч трапіў у, ляжачага на лініі, гульца ваўкоў і вылецеў за межы поля. Здавалася, што вось-вось хлопцы змогуць даціснуць суперніка, але выйшла інакш. Лысенка не разлічыў сілу паса, а Парываеў дагнаў мяч і прабіў міма нашага брамніка. Не паспелі гродзенцы апамятацца, як Марыніч адправіў мяч у браму Сая ў другі раз. Нападнік гасцей адзін разабраўся з трыма абаронцамі і з лініі штрафной прабіў у далёкі ад брамніка кут брамы - 0:2.
Да гонару жоўта-зялёных трэба сказаць, што каманда не апусціла рукі і на 25-й хвіліне адыграла адзін мяч. Сарокін зрабіў далёкую перадачу на Лукашыка і той перакінуў на Туранка, які выйшаў на перахоп - 1: 2. Гаспадары працягвалі атакаваць і мелі шэраг добрых магчымасцяў. Чаго толькі варта выхад два ў два з ударам Сенкевіча ў стойку брамы. І зноў спрацавала правіла - не забіваеш ты, вымай са сваіх. Макар зрабіў выдатную перадачу з левага краю і Дзмітрый Клачко пасля яшчэ адной грубай памылкі нашага абаронцы слёту прабіў па пустой браме. Сышлі госці ў адрыў ўсяго на дзве хвіліны. У наступнай жа атацы абаронца гасцей рукамі спыніў Лукашыка ў штрафной плошчы і суддзя прызначыў адзінаццаціметровы ўдар. Сенкевіч не пакінуў шанцаў галкіперу гасцей - 2:3...
Поўная перавага жоўта-зялёных у другім тайме абярнулася толькі адным голам. За тры хвіліны да канца другі раз у матчы не па правілах згулялі ў сваёй штрафной госці і Сенкевіч зноў рэалізаваў адзінаццаціметровы ўдар - 3:3.
НЁМАН-д (Гродна) — ІСЛАЧ-д (Мінскі раён) – 3 : 3 (2 : 3)
Нёман-д: Сай – Снігіра, Лысенка, Хвалько, (к) Квенцар – Носко Аляксей, Агурцоў - Сарокін, Сенкевіч, Кругленя – Лукашык. Запасные гульцы: Шышлоў – Пілец, Усовіч, Сырыська, Васкабойны, Семяновіч, Чайка.
Галы: 0:1 — А.Парываеўв (6, пас – памылка Лысенка), 0:2 — С.Марыніч (10), 1:2 — А.Лукашык (25, пас – А.Сарокін), 1:3 — Д.Клачко (39-г, пас – Д.Макар), 2:3 — Я.Сенкевіч (41, з пенальці за фол ____ супраць А.Лукашыка), 3:3 — Я.Сенкевіч (87, з пенальці за гульню рукою).
Поўны пратокол матчу тут.
