Клубныя рэкорды будуць перапісаныя Вярнуцца да спісу
Нападнік гродзенскага клуба Дзмітрый Кавалёнак працягне кар'еру ў складзе жоўта-зялёных. Чэмпіянат 2016 года стане для Кавалёнка шаснаццатым, які ён правядзе ў мацнейшай лізе краіны. З пятнаццаці папярэдніх першынстваў Дзмітрый толькі тры правёў па-за нашага клуба (2000 – «Дынама-Мінск», 2005 – «Нафтан», 2006 – «Дарыда»). За дванаццаць сезонаў праведзеных у Гродна нападаючы усталяваў два самых галоўных камандных рэкорды: сыграў больш за ўсіх матчаў – 276, забіў больш за ўсіх галоў – 68.
У мінулым сезоне форвард 15 разоў выходзіў на замену, правёў на полі 330 хвілін і забіў важны гол «Мінску», дзякуючы якому Дзмітрый стаў лепшым бамбардзірам з лаўкі запасных у чэмпіянаце Беларусі. На яго рахунку стала 19 галоў, забітых форвардам пасля выхаду на замену.
Спадзяемся, што ўсе гэтыя рэкорды будуць паспяхова Кавалёнкам перапісаныя. Чаго мы яму і жадаем.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Дзмітрый Кавалёнак.
Больш гульняў, больш галоў! Мы лічым, Дзмітрый!
