Кірыл Вяргейчык у Гродна Вярнуцца да спісу
Учора ў Гродна прыехаў былы гулец салігорскага «Шахцёра» Кірыл Вяргейчык. У абед прайшлі перамовы паміж старшынёй клуба і нападнікам, а ўвечары Кірыл выйшаў з камандай на трэніроўку. Умовы кантракту агучаны, цяпер будзем чакаць рашэнне гульца.
Вяргейчык у Вышэйшай Лізе Беларусі выступаў за тры каманды – салігорскі «Шахцёр» (54 гульні), брэсцкае «Дынама» (11 гульняў) і жодзінскае «Тарпеда-БелАЗ» (3 гульні). За ўвесь час нападнік адзначыўся ў першым дывізіёне дзевяццю забітымі галамі.
