Перамога ў Лідзе Вярнуцца да спісу
29-31 студзеня 2016 года каманда СДЮШАР «Нёман" 2007 году нараджэння (трэнер – Віктар Біндзей) прыняла ўдзел у Рэспубліканскім турніры па міні-футболе ў Лідзе.
Турнір, у якім прымала ўдзел шэсць каманд, прайшоў па кругавой сістэме – кожная каманда згуляла з кожнай адзін раз. Усе матчы прайшлі ў спартыўнай зале «Алімпія» і доўжыліся 2 тайма па 15 хвілін. Па рэгламенце турніру адначасова на пляцоўцы знаходзілася шэсць гульцоў адной каманды: брамнік і 5 палявых гульцоў.
Гродзенцы упэўнена прайшлі ўсю дыстанцыю турніру, абыграўшы ўсіх сваіх супернікаў. У першы дзень спаборніцтваў насуха былі перайграны ДЮСШ Ліда-2 – 3:0 і ДЮСШ Арбіта (Мінск) – 1:0, у другі дзень абыграны ДЮСШ Белкард – 3:2 і разгромлены ДЮСШ Трактар (Мінск) – 12:0, а ў заключны дзень абыграны першы склад Ліды 3:1.
Склад «Нёмана»: брамнік Беляшоў Данііл, палявыя гульцы – Жыдкевіч Данііл (капітан), Рапецкі Раман, Нікіцін Ягор, Леўчанка Багдан, Юшкевіч Павел, Сак Іван, Стаскевич Станіслаў, Коўшык Іван, Голубеў Захар.
Лепшымі гульцамі турніру сталі Давід Варабей (памятная статуэтка) і брамнік Данііл Беляшоў (трэніровачная кофта Joma). Усе ўдзельнікі былі ўзнагароджаны медалямі, а каманда – кубкам.
