Васькоў пераходзіць у «Нёман» Вярнуцца да спісу
Пасля некалькіх дзён перамоў неманцам стаў экс-аўтазаводзец Арцём Васькоў. Па завяршэнні арэндных тулянняў паўабаронца 4 сезоны адыграў у Жодзіна, правёўшы ў чэмпіянаце за «Тарпеда-БелАЗ», калі ўлічваць 2 пераходных матчу за права застацца ў Вышэйшай Лізе, роўна 100 матчаў і забіў 15 галоў.
У мінулым сезоне Арцём атрымаў мала гульнявога часу. Паўабаронца 21 раз выходзіў на поле, аднак у 15 з іх – з лаўкі запасных. Яго хвілінны наігрыш складае 794 хвіліны. Двойчы Васькоў адпраўляў мяч у браму праціўніка. Ад яго дакладных удараў пацярпелі «Віцебск» і «Нафтан».
Раней мы паведамлялі, што Васькоў ужо быў гульцом жоўта-зялёных. У сезоне 2009 года ён толькі раз з'явіўся ў складзе гродзенскай каманды ў матчы чэмпіянату і правёў на полі 10 хвілін.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Арёём Васькоў.
Удалага вяртання і выніковага падлучэння да нападаў, Арцём!
