01.06.2019

СТАРТАВЫЯ СКЛАДЫ

НЁМАН-д (Гродна) — СЛАВІЯ-МАЗЫР-д (Мазыр) – 1 : 3 (0 : 2)

НЁМАН: Маліеўскі - Карпенка, Барысаў, Кантарыя, Пазняк - Клунок, Лукашэвіч - Яблонскі, (к) Сакута, Копач - Лукашын. Запасныя гульцы: Баярчук - Мялік, Кругленя, Черыўханаў, Толкін, Лех, Міхей.

СЛАВІЯ: Іваненка - Торчык, Трапашка, Шуляк, Калядка, Барысевіч, Полаз, Яркоў, Сянько, Мемешаў, Крывашэеў. Запасныя гульцы: Кунец - Захаранка, Вярыцкі, Верабей, Гвоздзь, Кісялёў, Слесарчук.

Голы: 0:1 — Дз.Трапашка (21), 0:2 — Дз.Трапашка (45+1), 0:3 — Дз.Трапашка (62), 1:3 — М.Кругленя (88)

Поўны пратакол будзе даступны тут

ТРАНСЛЯЦЫЯ І АГЛЯД

ПЕРАД МАТЧАМ

Дублюючыя склады гродзенскага «Нёмана» і мазырскай «Славіі» згуляюць сёння ў Пышках. Матч пройдзе ў Футбольным манежы і пачнецца ў 12:00. Судзіць гэтую сустрэчу даверана арбітру Аляксандру Копацю, а дапамагаць жодзінцу будзе брыгада арбітраў з розных гарадоў. На лініі судзіць будуць барысаўчанін Мікалай Казак і маладэчанец Дзмітрый Кароль. Чацвёрты арбітр сустрэчы - Сяргей Гайдук з Гродна, а інспектаваць матч моладзевых каманд будзе мінчанін Мікалай Пырэеў.

Пасля дзевятага тура наша каманда размясцілася на другой пазіцыі ў турнірнай табліцы, у той час як наш супернік знаходзіцца ў сярэдзіне пелетона паслядоўнікаў, узначальвая другую васьмёрку каманд.

Як бачыце, гродзенскі дубль застаўся адзінай камандай турніру, якая рухаецца па дыстанцыі пакуль без паражэнняў. Мазыране, у сваю чаргу, у сваім пасіве маюць тры няўдалыя гульні.

У мінулым туры жоўта-зялёныя на выездзе мінімальна перайгралі дубль брэсцкага «Дынама», а «Славія» дома абыграла мінскае «Тарпеда» з лікам 3:2.

Усе матчы дубля «Славіі»: «Дынама-Мінск» (госці) - 1:0 (Д.Слесарчук), «Тарпеда-БелАЗ» (дома) - 0:0, «Дняпро» (госці) - 3:1 (А.Пятрэнка, Дз.Трапашка, А.Гвоздзь), БАТЭ (дома) - 1:1 (аўтагол БАТЭ), «Дынама-Брэст» (госці) - 2:2 (Д.Юркоў-2), «Энергетык-БДУ» (госці) - 0:1, «Мінск» (дома) - 1:3 (А.Пятрэнка), «Гарадзея» (госці) - 1:2 (А.Гвоздзь), «Тарпеда» (дома) - 3:2 (Д.Крывашэеў-2, Р.Мемешаў).

Дубль «Славіі» у гасцях правёў 5 матчаў, два з якіх скончыліся перамогай мазыран («Дынама-Мінск» 1:0 і «Дняпро» 3:1). Статыстыка выязных гульняў дубля чырвона-чорных: +2=1-2 (мячы 7-6). Нягледзячы на месца суперніка ў турнірнай табліцы, асцерагацца «Славію» проста неабходна. На недаацэнцы суперніка ўжо апякліся мінскія дынамаўцы, прайграўшы мазыранам ў сябе дома 0:1, а таксама іх брэсцкія аднаклубнікі і дублёрам БАТЭ, якія згулялі з паўднёвым клубам унічыю. Праўда, «Славія» «Славіі» рознь, у турніры дублёраў. Калі склад каманды складаецца з юных футбалістаў, то мазыране здольныя прайграць нават «Гарадзеі». А калі ў складзе нашага сённяшняга суперніка з першых хвілін выходзяць Дзяніс Трапашка (1990), Міхаіл Калядка (1988), Аляксандр Раеўскі (1988), Вадзім Курловіч (1992) і Рэдван Мемешаў (1993), то перад такой камандай можа здрыгануцца хто заўгодна.

На дадзены момант дубль жоўта-зялёных дома мае стоадсоткавы вынік. Нашымі хлопцамі па чарзе былі пераможаны «Шахцёр», «Іслач», «Віцебск» і «Тарпеда-БелАЗ». Статыстыка хатніх матчаў дубля «Нёмана»: +4=0-0 (мячы 14-1).

Усе матчы дубля «Нёмана»: «Гомель» (госці) - 1:1 (П.Цэслюкевіч), «Шахцёр» (дома) - 2:0 (Д.Копач, В.Белашэвіч), «Іслач» (госці) - 2:0 (П.Забелін, Р.Вягера), "Віцебск" (дома) - 6:0 (А.Якімаў-3, А.Трухан-2, Д.Копач), «Дынама-Мінск» (госці) - 1:1 (М.Лукашэвіч), «Тарпеда-БелАЗ» (дома) - 4:1 (Д.Копач-2, Дз.Вашкевіч, М.Лукашэвіч), «Дняпро» (госці) - 1:2 (аўтагол, А.Трухан), БАТЭ (дома) - 1:0 (А.Трухан), «Дынама-Брэст» (госці) - 1:0 (Р.Вягера).

У дзевяці папярэдніх матчах нашы гульцы забілі 19 мячоў, што ў сярэднім складае 2,11 мяча за 1 гульню. У мазыран гэты паказчык значна ніжэйшы і роўны 1,33 мяча за адну гульню - 12 мячоў у 9 гульнях. Ды і па прапушчаным мячам усё выглядае перад матчам на нашу карысць: жоўта-зялёныя за 630 хвілін гульні з-за удалых дзеянняў суперніка пачыналі з цэнтра поля ўсяго пяць разоў, а мазыране ў дзевяці сустрэчах 12 разоў прымусова разводзілі мяч.

У складзе гродзенскага дубля вызначыліся дзевяць гульцоў: 4 мячы - Д.Копач, па 3 мяча - А.Якімаў, А.Трухан, па 2 мячы - М.Лукашэвіч, Р.Вягера, 1 мяч - П.Цэслюкевіч, П.Забелін, В.Белашэвіч, Д.Вашкевіч (+ 1 аўтагол). У нашага суперніка галамі адзначыліся 7 футбалістаў: па 2 мячы - А.Пятрэнка, Д.Юркоў, Д.Крывашэеў, А.Гвоздзь, 1 мяч - Д.Слесарчук, Д.Трапашка, Р.Мемешаў (+1 аўтагол).

ГІСТОРЫЯ СУСТРЭЧ
Чэмпіянат сярод дублюючых складаў ўпершыню быў праведзены ў сезоне 2001 года. Наша другая каманда прымала ўдзел ва ўсіх турнірах моладзевага чэмпіянату (18 удзелаў), а мазыране перыядычна гэты турнір прапускалі (10 удзелаў). Усяго за гэты час нашыя каманды правялі 21 сустрэчу ў рамках турніру дублюючых каманд: +7=6-8, мячы 30-31.

2001. 0:4 (А.Какшараў-2, А.Кліменка, С.Караткевіч) і 0:0.

2002. 0:2 (Дз.Харытончык, Дз.Дулуб) і 0:5 (Д.Лешанюк, А.Какшараў, А.Тарабанаў, Дз.Дулуб, В.Дабравалянскі).

2003. 1:3 (П.Разумовіч - В.Тушынскі-3) і 1:0 (Лаўрыш)

2004. 0:1 (Гаеў) і 0:2 (Бычык, Трафімаў)

2005. 2:0 (П.Разумовіч, Багдзевіч) і 0:0

2012. 1:1 (К.Столік - К.Ганчароў), 4:0 (А.Лясюк, А.Бомбель, Д.Юзвовіч, В.Іваноў) і 1:3 (В.Журневіч - Ю.Яркоў, С.Кашэвіч, А.Грыневіч)

2013. 2:2 (П.Забелін, В.Ляўко - А.Галяк, К.Ганчар), 2:0 (А.Бомбель, М.Дубай)

2015. 1:1 (А.Лукашын - А.Галяк) і 4:1 (П.Забелін, Я.Сянкевіч, А.Лукашын, Е.Мацвееў - Дз.Крывашэеў)

2016. 4:1 (Я.Сянкевіч-3, А.Лукашык - Г.Шаўчэнка) і 3:0 (Я.Сянкевіч, А.Буцько, С.Смунёў)

2017. 2:2 (Э.Лех, В.Сырыська 52 - М.Ганчар-2) і 2:3 (Р.Лакціёнаў, Дз.Вашкевіч - А.Катляроў, М.Слюсар-2)

10 ТУР
Учора і пазаўчора прайшлі пяць стартавых матчаў 10 тура. Усе нашы непасрэдныя канкурэнты адыгралі без стратаў ачкоў. Надыходзячы на пяткі менскі «Энергетык-БДУ» дома абыграў «Гарадзею» з лікам 4:1, дубль мінскага «Дынама» ў гасцях буйна перайграў "Віцебск" 6:3, БАТЭ на выездзе адолеў «Гомель» 2:0, а «Шахцёр» дома перайграў з такім жа лікам «Дняпро».