Руслан ЗУБКОЎ: Секліся дзве каманды — яны за жыццё, а мы за жыццё ў еўракубках Вярнуцца да спісу
— Мы ведалі, што «Іслач» моцная каманда, якая будзе змагацца на полі. Ім губляць ужо няма чаго. Акрамя таго, яны ў паўзе ўзмацніліся. Нам было цяжка з імі гуляць і ў першым крузе, таму мы ведалі чаго ад іх чакаць. Гулялі другі тайм па выніку, але нам проста ледзь-ледзь не хапіла. Ведалі, што яны пабягуць адыгрывацца. Нам трэба было да 80-й хвіліны пратрымацца, а далей з іх адкрыецца цалкам і павінны з'явіцца моманты ўцячы ў контратаку. Так і атрымалася, толькі мы два сваіх моманты не забілі. А потым яшчэ і атрымалі гол у свае. У якой раз ужо спрацавала старое футбольнае правіла – не забіваеш ты, заб'юць табе.
— Рэферы сёння судзіў ў ангельскім стылі, даваў гуляць?
— Па судзействе наогул пытанняў няма. На поле выйшлі дзве байцоўскія каманды гуляць у футбол, секчыся. Вось і ўсё. Яны за жыццё, а мы за жыццё ў еўракубках.
— Сварка з галоўным трэнерам суперніка з-за чаго адбылася?
— Гэта эмоцыі. Мы на той момант выйгравалі 1:0, а яны спяшаліся, спяшаліся адыграцца. Пасля гульні я падышоў і папрасіў прабачэння, мы паціснулі адзін аднаму рукі і пажадалі поспеху ў чэмпіянаце. Гэта ўсё футбольныя эмоцыі, скажам так.
— У нас наперадзе тры гульні з камандамі, якія знаходзяцца побач, займаюць месцы з трэцяга па шостае. Калі мы хочам на нешта разлічваць, то губляць ачкі ў гэтых гульнях нельга.
— Мы кожную гульню гуляем толькі на перамогу, з пазіцыі сілы. Нас чакаюць тры няпростыя гульні, усе каманды вельмі добрыя. Гэтыя гульні стануць вызначальнымі для нас. Па іх выніку будзе зразумела, што мы можам у гэтым годзе. У нас ёсць пэўная задача на сезон, але каб стаць бліжэй да яе рашэння, нам у гэтых гульнях трэба ўзяць 9 ачкоў. Каб кагосці дагнаць, ад каго-то адарвацца.
