Ігар КАВАЛЕВІЧ: У цэлым, я задаволены Вярнуцца да спісу
FOOTBALL.BY • 20 сакавіка 2017 года, 00:53
Мікалай ПЕЙЦ
Галоўны трэнер гродзенскай каманды распавёў карэспандэнту Football.by пра ўзровень падрыхтоўкі каманды, а таксама аб магчымых кадравых набыццях
— Ці задаволены вы дзеяннямі сваіх гульцоў сёння?
— Сякія-такія шурпатасці ў гульні ёсць, але, зыходзячы з той працы, якая праведзена на дадзеным этапе, я хутчэй задаволены, чым не.
— Ці лічыце, што каманда гатовая да сезону?
— Наперадзе ёсць яшчэ 12 дзён, каб завяршыць падрыхтоўку. На дадзены момант магу сказаць, што ў нас вызначаецца касцяк каманды. За астатні час мы правядзем яшчэ адну - дзве сустрэчы. Першую згуляем у сераду з «Тракаем». Таксама за гэты час з'явяцца і новыя гульцы. Мне вельмі спадабалася сённяшняе выступленне Гіоргія Кантарыі, таму ён застанецца ў клубе. Добра правёў матч і Абуна. Пазней да нас далучацца яшчэ Рудзік і Верхаўцоў, цяпер у іх невялікія пашкоджанні. У цэлым, я задаволены тым, як ідзе падрыхтоўка да першага афіцыйнаму матчу сезона.
— Можаце патлумачыць прычыну вяртання ў "Нёман" Абуны?
— Па-першае толькі цяпер мы атрымалі яго дакументы. Па-другое, я прыслухаўся да меркавання калегаў, якія параілі яго пакінуць, бо некаторым гульцам трэба даць час на адаптацыю. Як прыклад можна ўзяць Бебе. Ён прыйшоў да нас, будучы ў горшай форме, чым Абуна. Зараз бачна, што мы зрабілі правільны выбар, пакінуўшы абодвух гульцоў. Абуна не вельмі добра праявіў сябе на турніры ў Жодзіна, але там мы не мелі дастаткова часу, каб даць яму магчымасць сябе паказаць. Цяпер жа, калі мы вярнуліся ў Гродна, то часу стала больш і ён змог паказаць свае добрыя якасці.
— Ці з'явяцца ў клубе яшчэ навічкі?
— Думаю, што дамовімся з Гіоргіем Кантарыяй, калі гэта атрымаецца, то ў клубе з'явіцца яшчэ максімум адзін гулец, і гэта будзе беларус.
