Турніры

Юнацкія каманды футбольнай школы рэпрэзентуюць клуб «Нёман» у розыгрышах моладзевага першынства Беларусі з 2004 года. За ўвесь час удзелу ў гэтых спаборніцтвах гродзенскім маладым футбалістам удалося толькі раз стаць першымі ў краіне.

Залатыя медалі заваявалі хлопцы 1990 года нараджэння ў дэбютным для гарадзенцаў сезоне 2004 г. (галоўны трэнер – Уладзімір Андрушкевіч, трэнер – Васіль Савіч).

Тройчы камандам нашай школы па выніках чэмпіянату ўдавалася заняць другое месца. У тым жа 2004 годзе серабро дасталося хлапчукам 1988 года нараджэння (галоўны трэнер – Эдуард Гарадок, трэнер – Міхаіл Хамянкоў), у 2006 годзе другімі сталі хлопцы 1992 года нараджэння (галоўны трэнер – Алег Севасцьянік, трэнер – Уладзімір Грыгарук), а ў сезоне 2011/12 гадоў на другую прыступку ўзнялася каманда 1997 года нараджэння (галоўны трэнер – Эдуард Гарадок, трэнер – Уладзімір Гусінец).

Бронзавыя ўзнагароды паклалі ў школьную скарбонку каманды 1990 года нараджэння (2006 год; галоўны трэнер – Уладзімір Андрушкевіч, трэнер – Васіль Савіч), і 1995/96 гадоў нараджэння (галоўны трэнер – Іван Бялава).

Восем разоў прадстаўнікі гродзенскага юнацкага футболу спыняліся за крок ад п’едэстала гонару. Тры апошнія разы чацвёртымі станавіліся каманды Івана Бялавы.