Ігар КАВАЛЕВІЧ: Выйграе той, хто забівае Вярнуцца да спісу
Сяргей ГУРЭНКА (галоўны трэнер «Дынама-Мінск»):
— Мы ведалі, што матч будзе складаны. Гродна зараз набрала добры ход, каманда перамагае. Плюс, як вы бачылі, пагодныя ўмовы былі не самыя лепшыя, поле глейкае. Але я рады, што мы перамаглі. Згулялі вельмі арганізавана, практычна не далі стварыць момантаў каля сваёй брамы. Быў адзін эпізод у суперніка, але на тое і брамнік, каб у патрэбны момант выручыць. У цэлым я задаволены гульнёй, але з тых момантаў, што мы стварылі, трэба забіваць больш.
— Наколькі сур'ёзныя пашкоджанні Лукіча і Бегунова?
— У Ромы нешта здарылася з галавой. Памяняў яго каб не пагаршаць траўму. Магчыма, што ў яго было мікрастрасенне. У Лукіча будзем глядзець. Яму трэба будзе рабіць МРТ. Цяпер пакуль заўчасна нешта казаць.
— Учора за дубль сыграў Кузьмянок. Сёння ён адсутнічаў у заяўцы. У яго таксама нейкае пашкоджанне ці гэта ратацыя?
— Канешне не. Кузьмянка мы рыхтуем да «Гарадзеі». Там высакарослая каманда, якая добра гуляе на стандартах. Таму яму трэба было згуляць менавіта цэлы матч, каб быць у гульнявым тонусе. Мяне цалкам задавальняе, як гуляюць нашы тры абаронцы. Але ў мяне на тры пазіцыі ўсяго пяць абаронцаў. Яшчэ малады Швецоў. Таму ўсе выдатна, але павінны быць усё гатовыя. Тое, што ён адыграў за дубль, гэта таму, што я на яго разлічваю. Ён павінен быць у абойме, заўсёды павінен выйсці і дапамагчы камандзе.
Ігар КАВАЛЕВІЧ (галоўны трэнер «Нёмана»):
— Віншую «Дынама» з перамогай. Дастаткова арганізаваная каманда, якую мы добра вывучылі. Рыхтаваліся да гульні, аднак пачатак матчу ў нас некалькі не атрымалася з-за вымушаных памылак, было шмат памылак. Выйграе той, хто забівае. «Дынама» забіла, а мы не змаглі, хоць намаганні прыкладвалі. Можа быць, у нас не атрымалася кантргульня ў другім тайме, такая якую мы хацелі. Будзем рыхтавацца да «Віцебску».
— Што з Савіцкім, і ці ўбачым мы яго ў бліжэйшы час у складзе?
— Савіцкі быў гатовы да гэтага матчу, але, зыходзячы з характару траўмы і ўмоў надвор'я, якая ў яго была, рызыкаваць здароўем нашага вядучага гульца, не стаў. Мы навучыліся вопытам Верхаўцова, калі мы раней часу яму дазволілі трэніравацца з асноўным складам. Таму я перастрахаваўся і пабярог Савіцкага да гульні з «Віцебскам».
