Ще більше голів, Роман! Вярнуцца да спісу
Сёння Раман Лакціёнаў падпісаў працоўную дамову з «Нёманам». Кантракт з нападнікам разлічаны да канца сезона 2017 года.
Выхаванец александрыйскага футбола выступае на пазіцыі нападніка. У ДЮФЛ выступаў за «Крышталь-Аметыст» (28 гульняў, 4 мячы) і МФК «Александрыя» (24/16).
У 2008 годзе ў складзе палтаўскага клуба стаў уладальнікам Кубка Украіны, абыграўшы ў фінальным матчы данецкі «Шахцёр» з лікам 1:0. Лакціёнаў выйшаў у канцоўцы матчу і дапамог клубу ўтрымаць пераможны лік. Летам 2009 года быў аддадзены ў арэнду ў «Александрыю», а летам 2010 года перайшоў у Алчэўскую «Сталь». У першым жа сезоне паспрыяў свайму новаму клубу заваяваць бронзавыя ўзнагароды, а яшчэ праз год забіў 10 мячоў і дапамог клубу выйсці ў Прэм'ер-Лігу. Аднак, з-за фінансавых прычын Алчэўскі клуб адмовіўся ад удзелу ў Прэм'ер-лізе, а Лакціёнаў перайшоў у клуб Першай лігі — «Александрыю».
У 2015 годзе падпісаў кантракт з Кіраваградскай «Зоркай», з якой ў 2016 годзе стаў чэмпіёнам Першай лігі Украіны. На наступны год у першым дывізіёне краіны згуляў у 10 матчах, а ў студзені 2017 гады пакінуў клуб і падаўся на легіянерскія хлеба ў Беларусь. Да пераезду ў рамках чэмпіянату Украіны сыграў 275 матчаў (17 у Прэм'ер-Лізе), у якіх забіў 59 мячоў.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Раман Лакціёнаў.
Ласкаво просимо до «Немана»! Ще більше голів, Роман!
