Чацвёртым навічком клуба стаў Дзмітрый Верхаўцоў Вярнуцца да спісу
Дзмітрый Верхаўцоў працягне кар'еру ў Гродна.
Сёння Дзмітрый Верхаўцоў падпісаў гадавы кантракт з гродзенскім клубам. Папярэднім клубам Дзмітрыя Верхаўцова была польская «Карона» з Кельце.
За сваю футбольную кар'еру выхаванец магілёўскага футбола ў Беларусі абараняў колеры толькі аднаго клуба. У наваполацкім «Нафтане» Дзмітрый Верхаўцоў выступаў з 2004 года па 2011 год. За восем сезонаў абаронца згуляў у чэмпіянаце Беларусі 164 матчы, у якіх вызначыўся 16 разоў. З 2009 года пачаў актыўна шукаць варыянты працягу кар'еры за мяжой. Дзмітрый праходзіў прагляды ў «Селтыке», кіеўскім «Дынама», «Вентспілсе», «Эвертане» і «Кубані», аднак першым яго замежным клубам у снежні 2011 года сталі самарскія «Крылы Саветаў».
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Дзмітрый Верхаўцоў.
Сардэчна запрашаем у Гродна, Дзмітрый!
